ଇନ୍ଦୋର: ବାମ ନୁହେଁ ଡାହଣରେ ରହିଛି ହୃତପିଣ୍ଡ । କେବଳ ହାର୍ଟ ନୁହେଁ ଶରୀରର ଏପରି ପ୍ରମୁଖ ଅଭ୍ୟନ୍ତରୀଣ ଅଙ୍ଗ ଓଲଟା ଦିଗରେ କାମ କରୁଛି । ଏତେ ପରେ ବି ସାଧାରଣ ଜୀବନ ଯାପନ କରୁଛନ୍ତି ବାଣଗଙ୍ଗାରେ ରହୁଥିବା ଜଣେ 37 ବର୍ଷୀୟ ଯୁବକ । ପେଟ କାଟିବା ପରେ ଏହି ଯୁବକ ଜଣଙ୍କ ଇନ୍ଦୋର ଏମବାୟ ହସ୍ପିଟାଲରେ ଭର୍ତ୍ତି ହେଲା ପରେ ଏହି ଅଜବ ଘଟଣା ସାମ୍ନାକୁ ଆସିଛି ।
ଏ ନେଇ ଇନ୍ଦୋର ଏମବାୟ ହସ୍ପିଟାଲର ସର୍ଜରୀ ବିଭାଗ ସହାୟକ ପ୍ରଫେସର ଅରବିନ୍ଦ ଶୁକ୍ଳା କୁହନ୍ତି ଯେ, ଓପେଡେକ୍ସ ଅପରେସନ ପାଇଁ ଯେତେବେଳେ ରୋଗୀର ସିଟି ସ୍କାନ କରାଯାଇଥିଲା । ଏହା ପରେ ଜଣାପଡିଥିଲା କି କିଛି ଜନ୍ମଜାତ ସମସ୍ୟା ଯୋଗୁଁ ଏହି ଯୁବକ ଜଣଙ୍କ ହୃଦୟ ଓ ଅନ୍ୟ କିଛି ଅଙ୍ଗ ବିପରୀତ ଦିଗରେ ରହିଛି । ମେଡିକାଲ ସାଇନ୍ସରେ ଏହାକୁ ସାଇଟସ ଇୱସେସ କୁହାଯାଏ । ଏଭଳି ଅସାଧାରଣ ମଣିଷ, 10 ଲକ୍ଷରେ ଜଣେ ରହିଥାନ୍ତି ।
