ନୂଆଦିଲ୍ଲୀ: କ୍ୟାସଲେସ କାରବାରକୁ ପ୍ରୋତ୍ସାହିତ କରିବା ଏବଂ ବିଶେଷ ଭାବରେ କୋଭିଡ -19 ମହାମାରୀ ସମୟରେ ଯୋଗାଯୋଗହୀନ ଯାତ୍ରା ସୁନିଶ୍ଚିତ କରିବା ଉଦ୍ଦେଶ୍ୟରେ ଦିଲ୍ଲୀ ମେଟ୍ରୋ ରେଳ ନିଗମ (DMRC) ଅଟୋ ଟପ୍ଅପ୍ ସୁବିଧା ସହିତ ନୂଆ ସ୍ମାର୍ଟ କାର୍ଡକୁ ସ୍ବିଚ କରିବାକୁ ନିଷ୍ପତ୍ତି ନେଇଛି । କୋରୋନା ସଚେତନତା ଅବଲମ୍ବନ କରି ଦିଲ୍ଳୀ ମେଟ୍ରୋ ରେଳ କର୍ପୋରେସନ(ଡିଏମ୍ଆର୍ସି) ଯାତ୍ରୀଙ୍କ ପାଇଁ ଅଟୋ ଟପ୍ଅପ୍ ସୁବିଧା ସହିତ ସ୍ମାର୍ଟ କାର୍ଡ ଉପଲବ୍ଧ କରାଇଛି। ମେଟ୍ରୋ ଷ୍ଟେସନଗୁଡିକର ସ୍ବୟଂଚାଳିତ ଭଡା ସଂଗ୍ରହ (ଏଏଫ୍ସି) ଫାଟକରେ ଏହି କାର୍ଡ ସ୍ୱୟଂଚାଳିତ ଭାବରେ ରିଚାର୍ଜ ହେବ।
ଏହି ନୂତନ ସ୍ମାର୍ଟ କାର୍ଡ ଗ୍ରାହକଙ୍କ ପାଇଁ ନୂଆ କରି ଲଞ୍ଚ୍ କରାଯାଇଥିବା ଆପ୍ ‘ଅଟୋପ୍’ ମାଧ୍ୟମରେ ଉପଲବ୍ଧ। ଏହି ସୁବିଧା ପାଇବାକୁ, ମେଟ୍ରୋ ବ୍ୟବହାରକାରୀଙ୍କୁ ଅଟୋପ୍ ମୋବାଇଲ୍ ଆପ୍ଲିକେସନ୍ ଡାଉନଲୋଡ୍ କରିବାକୁ ପଡିବ କିମ୍ବା‘ଅଟୋପ’ର ମୋବାଇଲ୍ ସାଇଟ୍ ‘ଅଟୋପ.ଇନ୍’ରେ ପଞ୍ଜିକରଣ କରିବାକୁ ପଡିବ। ସେମାନଙ୍କୁ ପଞ୍ଜୀକୃତ ଏବଂ ସେମାନଙ୍କର ବ୍ୟାଙ୍କ / କ୍ରେଡିଟ କାର୍ଡ / UPI ଆକାଉଣ୍ଟକୁ ସ୍ମାର୍ଟ କାର୍ଡ ସହିତ ଲିଙ୍କ କରିବାକୁ ପଡିବ । ଫଳରେ ଅଟୋ କାର୍ଡର ମୂଲ୍ୟ ୧୦୦ ଟଙ୍କାରୁ କମ୍ ହୋଇଗଲେ ଏଏଫ୍ସି ପ୍ରବେଶ ଦ୍ବାରରେ ଆପେ ଆପେ ୨୦୦ ଟଙ୍କାର ରିଚାର୍ଜ ହୋଇଯିବ। ପ୍ରତ୍ୟେକ କାରବାର ପାଇଁ ଗ୍ରାହକଙ୍କ ଠାରୁ ସର୍ବାଧିକ ୧% ଫି ଗ୍ରହଣ କରାଯିବ। କୋଭିଡ୍-୧୯ ପାଇଁ ସଚେତନତା ଅବଲମ୍ବନ କରି ଲୋକଙ୍କୁ ସାମାଜିକ ଦୂରତା ପରି କୋରୋନା ନିୟମ ମାନିବାକୁ ପ୍ରୋତ୍ସାହିତ କରିବା ସକାଶେ ଏହି ବ୍ୟବସ୍ଥାକୁ ଗୁରୁତ୍ବ ଦିଆଯାଇଛି।
ଏହି ନୂତନ ପଦକ୍ଷେପ ମେଟ୍ରୋ ଷ୍ଟେସନରେ ଧାଡିରେ ରହି ସ୍ମାର୍ଟ କାର୍ଡକୁ ରିଚାର୍ଜ କରିବା ପରି ସମସ୍ୟାକୁ ଦୂର କରିବ। ଅଟୋପର ପ୍ରତିଷ୍ଠାତା ଅନୁରାଗ ବାଜପାଇ ଏବଂ ପଙ୍କଜ ଗମ୍ଭୀର କହିଛନ୍ତି, ସାମ୍ପ୍ରତିକ କୋଭିଡ୍-୧୯ ପରିସ୍ଥିତିରେ ଯୋଗାଯୋଗହୀନ ସେବାର ଗୁରୁତ୍ୱକୁ ଦୃଷ୍ଟିରେ ରଖି ଆମେ ଏହି ସୁବିଧାଜନକ ପ୍ଲାଟଫର୍ମ ପ୍ରଦାନ କରିବାକୁ ପ୍ରତିଶ୍ରୁତିବଦ୍ଧ ଅଟୁ।”
