ଥିରୁବନନ୍ତପୁରମ : କେରଳରେ ଭୟଙ୍କର ରୂପ ନେଇଛି କୋରୋନା ଭାଇରସ । ଆକ୍ରାନ୍ତଙ୍କ ସଂଖ୍ୟା 200 ଟପି ଥିବା ବେଳେ 2 ଜଣଙ୍କ ମୃତ୍ୟୁ ହୋଇଥିବା ସରକାରୀ ରିପୋର୍ଟ କହୁଛି । ଏନେଇ ପୁରା ରାଜ୍ୟରେ ଜାରି ରହିଛି ଲକ ଡାଉନ । ଲକ ଡାଉନ ଯୋଗୁଁ ଦୋକାନ ବଜାର ବନ୍ଦ ରହିଥିବା ବେଳେ, ଗାଡି ଚଳାଚଳ ମଧ୍ୟ ବନ୍ଦ ରଦିଛି । ଫଳରେ ଜନ ଜୀବନ ପ୍ରଭାବିତ ହୋଇଛି ।
ପଠାନମଥିଟ୍ଟା ଜିଲ୍ଲାରେ ରହୁଥିହା ଆଦିବାସୀମାନେ ଲକ ଡାଉନ ଯୋଗୁଁ ଭୋକ ଉପାସରେ ଦିନ କାଟୁଥିଲେ । ସ୍ଥାନୀୟ ଓ୍ବାର୍ଡ କାଉନସିଲର ଏନେଇ ଜିଲ୍ଲା ପ୍ରଶାସନକୁ ଖବର ଦେଇଥିଲେ । ଖବର ପାଇବା ପରେ ଜିଲ୍ଲାପାଳ ପିବି ନୋହୋ , କନି ବିଧାୟକ କେ ୟୁ ଜାନେଶକୁମାର ଓ ଏକ ସ୍ବେଚ୍ଛାସେବୀ ସଂଗଠନ ଆତ୍ୟାବଶ୍ୟକ ସାମଗ୍ରୀ ସହ ରାସନ ସାମଗ୍ରୀ ଧରି ଘଞ୍ଚ ଜଙ୍ଗଲ ଓ ନଦୀ ପାର ହୋଇ ଅବାନି ପାରାରେ ବାସ କରୁଥିବା ଆଦିବାସୀଙ୍କ ନିକଟରେ ପହଞ୍ଚିଥିଲେ । ଆଉ ବାସ କରୁଥିବା 37 ପରିବାରକୁ ଖାଦ୍ୟ ବଣ୍ଟନ କରିବା ସହ ଯେଉଁ ପିଲାଙ୍କ ଠାରେ ଜ୍ବରର ଲକ୍ଷ୍ମଣ ଦେଖାଯାଉଥିଲା ସେମାନଙ୍କୁ ଔଷଧ ମଧ୍ୟ ଯୋଗାଇ ଦେଇଥିଲେ । କାଇଥାଙ୍ଗୁ ପ୍ରକଳ୍ପ ମାଧ୍ୟମରେ, 11ଟି ଓ୍ବାର୍ଡରେ ଅତ୍ୟାବଶ୍ୟକ ସାମଗ୍ରୀ ବଣ୍ଟିଥିଲେ ସ୍ବେଚ୍ଛାସେବୀ ।
ବ୍ୟୁରୋ ରିପୋର୍ଟ, ଇଟିଭି ଭାରତ
