ନୂଆଦିଲ୍ଲୀ: ଆଜି ଠାରୁ ଆରମ୍ଭ ହୋଇଥିବା ଶୀତକାଳୀନ କାର୍ଯ୍ୟକ୍ରମ ପାଇଁ ଏୟାରଲାଇନ୍ସର 12,983 ସାପ୍ତାହିକ ଘରୋଇ ବିମାନକୁ ଅନୁମୋଦନ ମିଳିଛି। ଯାହା ଆସନ୍ତା ବର୍ଷ ମାର୍ଚ୍ଚ 27ରେ ସମାପ୍ତ ହେବ ବୋଲି ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ)କହିଛି ।
ଡିଜିସିଏ ରବିବାର କହିଛି ଯେ, ଚଳିତ ବର୍ଷର ଶୀତକାଳୀନ କାର୍ଯ୍ୟସୂଚୀ ପାଇଁ ଇଣ୍ଡିଗୋର 6,006 ସାପ୍ତାହିତ ଘରୋଇ ବିମାନକୁ ମଞ୍ଜୁର ମିଳିଛି । ସେହିପରି ସ୍ପାଇସଜେଟ 1957 ଏବଂ ଗୋଏୟାର 1203 ସାପ୍ତାହିକ ଘରୋଇ ବିମାନ ଅନୁମୋଦନ ମିଳିଛି ବୋଲି ଡିଜିସିଏ କହିଛି। ବର୍ତ୍ତମାନ ଦେଶରେ ଏୟାରଲାଇନ୍ସକୁ 60 ପ୍ରତିଶତ ପ୍ରି-କୋରୋନା ସାପ୍ତାହିକ ଘରୋଇ ବିମାନ ଚଳାଚଳ କରିବାକୁ ଅନୁମତି ମିଳିଛି ।
ଗତ ବର୍ଷର ଶୀତକାଳୀନ କାର୍ଯ୍ୟସୂଚୀ ତୁଳନାରେ ଯେତେବେଳେ ଡିଜିସିଏ ଦ୍ୱାରା 23,307 ସାପ୍ତାହିକ ଘରୋଇ ସେବାକୁ ଅନୁମୋଦନ କରାଯାଇଥିଲା । ବିମାନ ଉଡ଼ାଣ ନିୟାମକଙ୍କ ଅନୁଯାୟୀ ଚଳିତ ବର୍ଷ ଶୀତକାଳୀନ କାର୍ଯ୍ୟସୂଚୀରେ ମାତ୍ର 55.7 ପ୍ରତିଶତ ଅର୍ଥାତ୍ 12,983 ବିମାନ ଅନୁମୋଦିତ ହୋଇଛି।
