ନୂଆଦିଲ୍ଲୀ: ସାଧାରଣ ଲୋକଙ୍କ ଠାରୁ ଆରମ୍ଭ କରି ଡାକ୍ତରମାନେ କୋରୋନା ଆକ୍ରାନ୍ତ ହେଉଥିବା ବେଳେ ବର୍ତ୍ତମାନ ପୋଲିସ ମଧ୍ୟ କୋରୋନା କବଳରେ ଆସିଥିବା ଦେଖିବାକୁ ମିଳିଛି ।
ନୂଆଦିଲ୍ଲୀର ଟ୍ରାଫିକ୍ ପୋଲିସର ସହକାରୀ ସବ୍-ଇନ୍ସପେକ୍ଟର କୋରୋନା ପଜିଟିଭ୍ ଥିବା ଜଣାପଡିଛି। ବର୍ତ୍ତମାନ ତାଙ୍କୁ ଏମ୍ସରେ ଭର୍ତ୍ତି କରାଯାଇଛି । ଏଥିସହ ତାଙ୍କ ପରିବାରକୁ ମଧ୍ୟ ଘରେ ରହିବାକୁ କୁହାଯାଇଛି। ତାଙ୍କ ଘରର ଚାରିପାଖକୁ ସମ୍ପୂର୍ଣ୍ଣ ସିଲ୍ କରାଯାଇଥିଲା ।
ସୂଚନା ଅନୁଯାୟୀ, ଗତ ସପ୍ତାହରେ ଏଏସଆଇ ଜ୍ୱର ହୋଇଥିଲା। ସେତେବେଳେ ତାଙ୍କର ପରୀକ୍ଷା କରାଯାଇଥିଲା। ଏହାପରେ ଗତ ମଙ୍ଗଳବାର ତାଙ୍କ ରିପୋର୍ଟ ଆସିଥିଲା । ଯେଉଁଥିରେ ସେ କରୋନା ପଜେଟିଭ୍ ଥିବା ଜଣାପଡିଛି।
