ଗାଜିଆବାଦ: ଦିଲ୍ଲୀର ଜଣେ ଟ୍ରାଫିକ୍ ପୋଲିସ ଅଧିକାରୀଙ୍କୁ ଗିରଫ କରିଛି ଗାଜିଆବାଦ ପୋଲିସ। ଗାଜିଆବାଦର ଏକ ମନ୍ଦିରରେ ଦମ୍ପତ୍ତିଙ୍କୁ ହତ୍ୟା କରିବା ଅଭିଯୋଗରେ ତାଙ୍କୁ ଗିରଫ କରାଯାଇଥିବା ପୋଲିସ ପକ୍ଷରୁ କୁହାଯାଇଛି ।
ଦିନେଶ ନାମକ ଏହି ଟ୍ରାଫିକ ସବ୍ଇନ୍ସିପେକ୍ଟର ଓ ତାର ସହଯୋଗୀ ପିଣ୍ଟୁକୁ ହତ୍ୟା ମାମଲାରେ ଗିରଫ କରାଯାଇଛି। ତେବେ ହତ୍ୟାକାଣ୍ଡର ଶିକାର ହୋଇଥିବା ମହିଳାର ବାପାଙ୍କ ଅଭିଯୋଗ ମୁତାବକ ଦୁଇ ଜଣଙ୍କୁ ପୋଲିସ ଗିରଫ କରିଛି। ଏହି ହତ୍ୟାକାଣ୍ଡ ପୁରୁଣା ପ୍ରେମ ସମ୍ପର୍କକୁ ନେଇ ହୋଇଥିବା ପୋଲିସ ସନ୍ଦେହ କରୁଛି ।
ସୂଚନା ଅନୁଯାୟୀ, ହତ୍ୟାର ଶିକାର ହୋଇଥିବା ସ୍ବାମୀ-ସ୍ତ୍ରୀଙ୍କ ମଧ୍ୟରୁ ସ୍ତ୍ରୀ ପ୍ରୀତିର ଅଭିଯୁକ୍ତ ଦିନେଶ ସହିତ ପ୍ରେମ ସମ୍ପର୍କ ଥିଲା । ତେବେ ସପ୍ତାହକ ତଳେ ଦିନେଶ ସହ ପ୍ରୀତି ସବୁ ସମ୍ପର୍କ ଛିନ୍ନ କରି ଦେଇଥିଲା । ଯାହାର ପ୍ରତିଶୋଧ ନେବାକୁ ଦିନେଶ ଏପରି କାଣ୍ଡ ଭିଆଇଥିବା ସନ୍ଦେହ କରାଯାଉଛି ।
