ନୂଆଦିଲ୍ଲୀ: ରବିବାର ସାହିନବାଗ ଅଞ୍ଚଳରେ ପୋଲିସ ପକ୍ଷରୁ ଜାରି ହୋଇଛି 144 ଧାରା । ସେହିପରି ସମ୍ପୂର୍ଣ୍ଣ ଅଞ୍ଚଳକୁ ପୋଲିସ ବ୍ଲକ କରିବା ସହ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ଏହାସହ ସରିତା ବିହାର ଏବଂ ଏମଏନ ବ୍ଲକରେ ମଧ୍ୟ ଧାରା 144 ଲଗାଯାଇଛି ।
ସିଏଏ ଓ ଏନଆରସିକୁ ନେଇ ଗୋଟେପଟେ ଦିଲ୍ଲୀରେ ଯେଉଁପରି ହିଂସା ଘଟିଗଲା ତାହାର ଭରଣା ଏପର୍ଯ୍ୟନ୍ତ ମଧ୍ୟ ଅସମ୍ଭବ ହୋଇଯାଇଛି । ଏକ ଗୋଷ୍ଠୀ ସାହିନବାଗ ଅଞ୍ଚଳରେ ଏକତ୍ର ହେବାକୁ ନେଇ ସୋସିଆଲ ମିଡ଼ିଆରେ ମେଜେସ ଭାଇରାଲ ହୋଇଥିଲା । ପ୍ରରିବାଦକାରୀଙ୍କ ବିକ୍ଷୋଭରେ ଏମାନେ ରୁଣ୍ଡ ହେବା ସହ ବନ୍ଦ ପଡ଼ିଥିବା ରାସ୍ତାକୁ ଖୋଲିବା ନେଇ ବାର୍ତ୍ତା ଦେଇଥିଲେ ।
ସୋସିଆଲ ମିଡ଼ିଆରେ ଏପରି ମେସେଜ ଭାଇରାଲ ହେବା ପରେ ପୋଲିସ ତାହାର କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଉକ୍ତ ଅଞ୍ଚଳରେ ପଦର୍ଶନ ନକରିବା ସହିତ ବିକ୍ଷୋଭ ନକରିବାକୁ ପରାମର୍ଶ ଦେଇଛି । ବିଭିନ୍ନ ସ୍ଥାନରେ ପୋଲିସ ପୋଷ୍ଟର ମଧ୍ୟ ଲଗାଇଛି । ବିକ୍ଷୋଭ କିମ୍ବା ପ୍ରତିବାଦ କଲେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି ଚେତାବନୀ ଦେଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
