ନୂଆଦିଲ୍ଲୀ : ଦେଶର ରାଜଧାନୀ ଦିଲ୍ଲୀରେ ଦିନକୁ ଦିନ ବୃଦ୍ଧି ପାଉଛି ବାୟୁ ପ୍ରଦୂଷଣ । ଫଳରେ ଦିଲ୍ଲୀବାସୀଙ୍କ ଜନଜୀବନ ଅସ୍ତବ୍ୟସ୍ତ ହୋଇଯାଇଛି । ଅଧିକାଂଶ ପରିବେଶ ଧୂଳି ଧୂଆଁରେ ଛାଇ ରହୁଛି । ଫଳରେ ଦୃଶ୍ୟମାନ ହେଉନି ରାସ୍ତାଘାଟ । ଖରା ନପଡିବା ପର୍ଯ୍ୟନ୍ତ ଘରୁ ବାହାରିବା ଲୋକଙ୍କ ପାଇଁ ସମସ୍ୟା ସୃଷ୍ଟି କରୁଛି । ବହୁ ସମୟରେ ଦୁର୍ଘଟଣା ମଧ୍ୟ ଘଟୁଛି । ଖାଲି ସେତିକି ନୁହେଁ ପ୍ରଦୂଷଣର ମାତ୍ରା ଅଧିକ ଥିବାରୁ ଶ୍ବାସକ୍ରିୟାରେ କଷ୍ଟ ଅନୁଭବ ହେଉଛି ।
ତେବେ ମଙ୍ଗଳବାର ସକାଳୁ ମଧ୍ୟ ଗମ୍ଭୀର ଶ୍ରେଣୀରେ ରହିଛି ଦିଲ୍ଲୀର ପ୍ରଦୂଷଣ । ସେଣ୍ଟ୍ରାଲ ପଲ୍ୟୁସନ କଣ୍ଟ୍ରୋଲ ବୋର୍ଡ (ସିପିସିବି)ର ସଦ୍ୟତମ ରିପୋର୍ଟ ମୁତାବକ, ବାୟୁ ପ୍ରଦୂଷଣରେ ଦିଲ୍ଲୀ ଏନସିଆର ଜାରି ରହିଛି। ଆଇଟିଓରେ ଏୟାର କ୍ୱାଲିଟି ଇଣ୍ଡେକ୍ସ(ଏକ୍ୟୁଆଇ)469 ରହିଛି । ଯାହା ଗମ୍ଭୀର ଶ୍ରେଣୀରେ ଅନ୍ତର୍ଭୁକ୍ତ ଅଟେ । ସେହିପରି, ନେରେଲାରେ 489 ଓ ସେକ୍ଟର 15ରେ 497, ଗୁରୁଗ୍ରାମ ଓ ନୋଏଡାରେ 480 ରହିଛି ଏୟାର କ୍ବାଲିଟି ଇନଡେକ୍ସ(ଏକ୍ୟୁଆଇ) ମାନ ।
@ANI
