ନୂଆଦିଲ୍ଲୀ: ସରଜିଲ ଇମାମକୁ ରିମାଣ୍ଡରେ ନେଲା ଦିଲ୍ଲୀ ପୋଲିସ । ଦେଶଦ୍ରୋହ ମାମଲାରେ ଗିରଫ ହୋଇଥିବା ସରଜିଲକୁ ପଚରାଉଚରା ପାଇଁ ଗୋଟେ ଦିନ ରିମାଣ୍ଡରେ ପଠାଇଛି ଦିଲ୍ଲୀ କୋର୍ଟ । ଡିସେମ୍ବର 15ରେ CAAକୁ ନେଇ ଦେଇଥିବା ହିଂସାତ୍ମକ ବୟାନକୁ ଆଧାର କରି ସରଜିଲଙ୍କୁ ଗିରଫ କରାଯାଇଥିଲା ।
ମାମଲାରେ ସମ୍ପୃକ୍ତ ଅନ୍ୟଜଣେ ଆରୋପି ସରଜିଲଙ୍କ ଭାଷଣ ଦ୍ବାରା ପ୍ରଭାବିତ ହୋଇଥିବା ଦିଲ୍ଲୀ ପୋଲିସ ଅଭିଯୋଗ ଆଣିଥିଲା । ଏହାପରେ ସରଜିଲଙ୍କୁ ପୋଲିସ ରିମାଣ୍ଡରେ ପଠାଇଛନ୍ତି ମୁଖ୍ୟ ମେଟ୍ରୋ ପୋଲିଟାନ ମାଜିଷ୍ଟ୍ରେଟ ଗୁରମୋହିନା କୌର ।
ଜାମିଆ ମିଲିଆ ଇସଲାମିଆରେ ବିବାଦୀୟ ବୟାନ ଦେଇ ଜାନୁଆରୀ 28ରେ ବିହାରରୁ ଗିରଫ ହୋଇଥିଲେ ଶରଜୀଲ । ଏହା ପୂର୍ବରୁ ଜାନୁଆରୀ 26 ରେ ଶାହିନବାଗରେ ମଧ୍ୟ ଏନଆରସି ଓ ସିଏଏକୁ ନେଇ ବିବାଦୀୟ ବୟାନ ଦେଇଥିଲେ । ଏହାପରେ ତାଙ୍କୁ ଦେଶଦ୍ରୋହ ମାମଲାରେ ଗିରଫ କରାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
