ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ବାରା ‘ପ୍ଲାଷ୍ଟିକ ମୁକ୍ତ ଭାରତ’ ଅଭିଯାନ ଆରମ୍ଭ ହୋଇଥିବାବେଳେ ଦେଶର ଅନେକ ସ୍ଥାନରେ ଲୋକମାନେ ପ୍ଲାଷ୍ଟିକ ବ୍ୟବହାର ବର୍ଜନ କରିଛନ୍ତି । ଏହି ପରିପ୍ରେକ୍ଷୀରେ ଦିଲ୍ଲୀର ନ୍ୟାସନାଲ ଡ୍ରାମା ସ୍କୁଲରେ ଅବ୍ୟବହୃତ ପ୍ଲାଷ୍ଟିକ ବୋତଲକୁ ନେଇ ବିଭିନ୍ନ ସାଜସଜା କରାଯାଇଥିବା ଦେଖିବାକୁ ମିଳିଛି । ତେବେ ପୁରୁଣା ପ୍ଲାଷ୍ଟିକ ବୋତଲକୁ ନେଇ ବିଭିନ୍ନ ରଙ୍ଗ ଦେବା ସହ ଲାଇଟ୍ ବ୍ୟବହାର କରି ବୋତଲ ଗୁଡିକୁ ଫୁଲ ଆକାରରେ ସଜା ଯାଇ ଗାର୍ଡେନରେ ଲଗାଯାଇଛି ।
ସ୍କୁଲର ଜଣେ ଛାତ୍ରଙ୍କ କହିବା ଅନୁଯାୟୀ, ଏନଏସଜିରେ ଅନୁଷ୍ଠିତ ହେଉଥିବା ଭାରତ ରଙ୍ଗମଞ୍ଚ ପାଇଁ ସେମାନେ ମିଶି ଏହି ସାଜସଜା କରିଛନ୍ତି । ତେବେ ଏନଏସଜି ଏକ କଳାକାରଙ୍କ ମଞ୍ଚ । ଯେଉଁଠି ବିଭିନ୍ନ କଳାକୁ ପ୍ରାଥମିକତା ଦିଆଯାଇଥାଏ । ସେଥିପାଇଁ ଲୋକମାନଙ୍କୁ ପ୍ଲାଷ୍ଟିକ ବ୍ୟାନ ସଚେତନତା ବାଣ୍ଟିବା ପାଇଁ ଏହି ଆୟୋଜନ କରାଯାଇଛି । ତେବେ ଏମାନେ ପ୍ରଥମେ ନିକଟସ୍ଥ ରେଳୱେ ଷ୍ଟେସନରୁ ବୋତଲ ସଂଗ୍ରହ କରିଥିଲେ । ଏହାପରେ ସେଗୁଡିକୁ ସଫା କରି ରଙ୍ଗ ଦେଇ ସେଗୁଡିକୁ ବିଭିନ୍ନ ଫୁଲ ଆକାରରେ ସଜାଇଛନ୍ତି ।
