ନୂଆଦିଲ୍ଲୀ: ଦିଲ୍ଲୀ ମେଟ୍ରୋରେ ଜଣେ ଯୁବକ ପାଖରେ ବସିଥିବା ଯୁବତୀଙ୍କ ଆଗରେ ଅଶ୍ଳୀଳ ଆଚରଣ କରିଥିଲେ । ଯାହାକୁ ନେଇ ଯୁବତୀ ଜଣକ ମହିଳା କମିଶନଙ୍କ ଦ୍ବାରସ୍ଥ ହୋଇଥିଲେ । ଏହି ମାମଲାରେ ମହିଳା କମିଶନ ଦିଲ୍ଲୀ ମେଟ୍ରୋକୁ ନୋଟିସ ଜାରି କରିଛି । ଏହି ଘଟଣାରେ ଉତ୍ତର ରଖିବାକୁ ମହିଳା କମିଶନ ନିର୍ଦ୍ଦେଶ ଦେଇଛନ୍ତି ।
ସୂଚନା ଅନୁସାରେ, ବୁଧବାର ସନ୍ଧ୍ୟାରେ ଯୁବତୀ ଜଣକ ଅଫିସରୁ ମେଟ୍ରୋରେ ଫେରୁଥିଲେ । ସେହି ସମୟରେ ପାଖରେ ବସିଥିବା ଯୁବକ ଜଣକ ଯୁବତୀଙ୍କ ଆଗରେ ହସ୍ତମୈଥୁନ କରିଥିଲେ । ଏହାର କିଛି ସମୟ ପରେ ଯୁବକ ଜଣକ ବାଟରେ ଓହ୍ଲାଇଯାଇଥିଲେ ।
ଯୁବତୀ ଜଣକ ଏ ସଂପର୍କରେ ଗିଥୋର୍ଣ୍ଣି ମେଟ୍ରୋ ଥାନାରେ ଅଭିଯୋଗ କରିଛନ୍ତି । ଏହା ସହ ଯୁବକର ଫଟୋକୁ ନିଜ ଟ୍ବିଟରରେ ଉଲ୍ଲେଖ କରି ଘଟଣା ବର୍ଣ୍ଣନା କରିବା ସହ ଦିଲ୍ଲୀ ପୋଲିସ, ଡିଏମଆରସି ଓ ଦିଲ୍ଲୀ ମହିଳା କମିଶନରେ ଅଭିଯୋଗ କରିଥିଲେ । ଏହାପରେ ମହିଳା କମିଶନ ଦିଲ୍ଲୀ ମେଟ୍ରୋକୁ ନୋଟିସ ଜାରି କରିଛି ।
