ମୁମ୍ବାଇ: ମହାରାଷ୍ଟ୍ରର ଉପକୂଳବର୍ତ୍ତୀ ଅଞ୍ଚଳରେ ସାମୁଦ୍ରିକ ଝଡ ନିସର୍ଗ ଲ୍ୟାଣ୍ଡଫଲ କରିଛି । ଏହି ଝଡ ଆଲିବାଗ ଉପକୂଳରେ ଲ୍ୟାଣ୍ଡ କରିଛି । ପାଣିପାଗ ବିଭାଗ ଅନୁଯାୟୀ ଘଣ୍ଟା ପ୍ରତି ପ୍ରାୟ 120 କିମି ବେଗରେ ଏହି ଘୂର୍ଣ୍ଣିବଳୟ ସୃଷ୍ଟି ହୋଇଛି । ମୁମ୍ବାଇ, ଥାନେ, ରାଇଗଡରେ ତାଣ୍ଡବ ରଚୁଛି ନିସର୍ଗ । ପ୍ରବଳ ପବନରେ ମୁମ୍ବାଇର ଅଧିକାଂଶ ଅଞ୍ଚଳରେ ବର୍ଷା ହେଉଛି। ମୁମ୍ବାଇ ବିମାନବନ୍ଦରରେ ସନ୍ଧ୍ୟା 7ଟା ପର୍ଯ୍ୟନ୍ତ କାର୍ଯ୍ୟ ବନ୍ଦ ହୋଇ ବାନ୍ଦ୍ରା-ୱର୍ଲି ସମୁଦ୍ର ଲିଙ୍କରେ ଯାତାୟାତ ବନ୍ଦ ହୋଇଯାଇଛି । ମୁମ୍ବାଇ ଓ ଗୁଜୁରାଟର ଅଧିକାଂଶ ଅଞ୍ଚଳରେ ରେଡ ଆଲର୍ଟ ଜାରି ହୋଇଛି ।
ମହାରାଷ୍ଟ୍ରରେ ଲ୍ୟାଣ୍ଡଫଲ କଲା ବାତ୍ୟା ‘ନିସର୍ଗ’, ଘଣ୍ଟାପ୍ରତି ବେଗ 100 ରୁ 120
ଏହି ସମୟ ମଧ୍ୟରେ ଲୋକଙ୍କୁ ଘରେ ରହିବାକୁ ନିର୍ଦ୍ଦେଶ ଦିଆଯାଇଛି । ଏଥି ସହିତ ଉପକୂଳବର୍ତ୍ତୀ ଅଞ୍ଚଳକୁ ଯିବାକୁ ବାରଣ କରାଯାଇଛି । ବାତ୍ୟାକୁ ଦୃଷ୍ଟିରେ ରଖି ବାନ୍ଦ୍ରା-ୱର୍ଲି ସାଗର ଲିଙ୍କରେ ଟ୍ରାଫିକ ଚଳାଚଳ ବନ୍ଦ କରାଯାଇଛି । ମହାରାଷ୍ଟ୍ରରେ NDRFର 21 ଟି ଟିମ ନିୟୋଜିତ ହୋଇଛନ୍ତି ।
