ହାଇଦ୍ରାବାଦ: ନାଗରିକତା ସଂଶୋଧନ ଆଇନ (ସିଏଏ) କୁ ନେଇ ୱାୟନାଡ ଜିଲ୍ଲାପାଳ ଅଦିଲା ଅବଦୁଲ୍ଲା ସାମାଜିକ ଗଣମାଧ୍ୟମରେ ଆକ୍ରୋଶର ଶିକାର ହୋଇଛନ୍ତି । ଜିଲ୍ଲାପାଳ ଅଦିଲା ଅବଦୁଲ୍ଲା ବିଜେପି ନେତାଙ୍କ ଠାରୁ ନାଗରିକତା ସଂଶୋଧନ ଆଇନକୁ ନେଇ କରାଯାଉଥିବା କାର୍ଯ୍ୟକ୍ରମର ପାମ୍ପଲେଟ ଗ୍ରହଣ କରିଥିବାରୁ ସୋସିଆଲ ମିଡିଆରେ ତାଙ୍କୁ ବିରୋଧ କରାଯାଉଛି ।
ଜିଲ୍ଲାପାଳ କହିଛନ୍ତି ବିନା କୌଣସି ତଥ୍ୟରେ ସାମାଜିକ ଗଣମାଧ୍ୟମରେ ପ୍ରଚାର କରିବା ସାଇବର ଆଇନ ଅନୁସାରେ ଅପରାଧ । ତାଙ୍କ ବିରୁଦ୍ଧରେ ଏପରି ଅଭିଯୋଗ ଆଣିବା ସହ ରାଜନୈତିକ ପୃଷ୍ଠଭୂମିରୁ ତାଙ୍କୁ ଦୂରେଇ ରଖିବା ପାଇଁ ସେ ଅନୁରୋଧ କରିଛନ୍ତି ।
ନାଗରିକତା ସଂଶୋଧନ ଆଇନକୁ ନେଇ ସାରା ଦେଶରେ ବିଜେପି ଲୋକସମ୍ପର୍କ ଆଭିଯାନ ଆରମ୍ଭ କରିଛି । ଏହାକୁ ନେଇ ଭାଜପାର ନେତା ଓ ଦଳୀୟ କାର୍ଯ୍ୟକର୍ତାମାନେ ଜିଲ୍ଲାପାଳଙ୍କ କାର୍ଯ୍ୟାଳୟରେ ଆସି ପୁସ୍ତିକା ଓ ପାମ୍ପଲେଟ ପ୍ରଦାନ କରିଥିଲେ । ଏହି ଘଟଣାର ଭିଡିଓ ଭାଇରାଲ ହେବା ପରେ ସୋସିଆଲ ମଡିଆରେ ସାଇବର ଗୁଣ୍ଡାଗର୍ଦ୍ଦିର ସେ ସାମନା କରୁଥିବା ଅଭିଯୋଗ କରିଛନ୍ତି ।
