ଲକ୍ଷ୍ନୌ: କୋରୋନା ଭଳି ଏକ ଅଦୃଶ୍ୟ ମହାମାରୀ ସହ ସମସ୍ତେ ଲଢେଇ ଜାରି ରଖିଛନ୍ତି। ଏହି ସମୟରେ ବିଭିନ୍ନ ବର୍ଗର ଲୋକ ସରକାରଙ୍କୁ ସହାୟତାର ହାତ ବଢାଇଛନ୍ତି। କିଏ ଭୋକିଲାଙ୍କୁ ଖାଇବାକୁ ଦେଉଛନ୍ତି ଆଉ କିଏ ପିଏମ କେୟାର ଫଣ୍ଡକୁ ଟଙ୍କା ଦାନ କରୁଛି। ତେବେ ଉତ୍ତରପ୍ରଦେଶରେ ଜଣେ ବ୍ୟକ୍ତି ଏହି କୋଭିଡ୍ ଯୁଦ୍ଧରେ ନିଜକୁ ସାମିଲ କରିବା ପାଇଁ ଏକ ନିଆରା ପଦକ୍ଷେପ ଆପଣେଇଛନ୍ତି। ଯେଉଁଥିରେ ସେ ନିଜର କାରକୁ ସାଧାରଣ ଲୋକଙ୍କ ପାଇଁ ଆମ୍ବୁଲାନ୍ସ ଭାବେ ବ୍ୟବହାର କରୁଛନ୍ତି।
ସୂଚନା ଅନୁସାରେ, ବ୍ୟକ୍ତି ଜଣକ ହେଲେ ଉତ୍ତରପ୍ରଦେଶ ଦେବପ୍ରୟାଗର 32 ବର୍ଷୀୟ ଯୁବକ। ତେବେ କୋରୋନା ମହାମାରୀ ବିଷୟରେ ଶୁଣି ଲୋକମାନେ ଆତଙ୍କିତ ହୋଇ ପଡୁଥିବା ବେଳେ ଏହି ଯୁବକଙ୍କ କାର୍ଯ୍ୟ ବାସ୍ତବରେ ପ୍ରଶଂସନୀୟ। କେବଳ ସେତିକି ନୁହେଁ ସବୁ ସମୟରେ ଲୋକଙ୍କ ସେବା ଜାରି ରଖିବା ପାଇଁ ଏକ ହେଲ୍ପଲାଇନ ନମ୍ବର ଜାରି କରିଛନ୍ତି, ତାହା ହେଲା 9410530387।
