ହାଇଦ୍ରାବାଦ: ତେଲେଙ୍ଗାନାରେ କ୍ରମାଗତ ଭାବେ କୋଲଭିଡ -19 ମାମଲାରେ ସଂକ୍ରମଣ ଓ ମୃତ୍ୟୁ ରିପୋର୍ଟ ବଢିବାରେ ଲାଗିଛି । ବୁଧବାର ତେଲେଙ୍ଗାନାରେ ଆଉ ଦୁଇ ଜଣଙ୍କର ମୃତ୍ୟୁ ଘଟି ରାଜ୍ୟରେ ମୋଟ 40 ଜଣଙ୍କର ମୃତ୍ୟୁ ରେକର୍ଡ ହୋଇଛି ।
ଲଗାତାର ଦ୍ବିତୀୟ ଦିନ ରାଜ୍ୟରେ ପାଇଁ ଖରାପ ଖବର ଆସିଛି । ମଙ୍ଗଳବାର କୋରୋନାରେ 4 ଜଣଙ୍କ ମୃତ୍ୟୁ ହୋଇଥିବା ବେଳେ ବୁଧବାର ପୁଣି 2 ଜଣଙ୍କ ମୃତ୍ୟୁ ହୋଇଛି । ତେବେ ସ୍ବାସ୍ଥ୍ୟ ବିଭାଗ ମୃତକଙ୍କ ସମ୍ପର୍କରେ ସୂଚନା ପ୍ରଦାନ କରିନାହିଁ ।
ରାଜ୍ୟରେ କୋଭିଡ-19 ମାମଲା 1,661 କୁ ବୃଦ୍ଧି ପାଇଛି । ବୁଧବାର 27 ଜଣ ପଜିଟିଭ ରହିଥିବା ସୂଚନା ରହିଛି । ଜନସ୍ବାସ୍ଥ୍ୟ ଏବଂ ପରିବାର କଲ୍ୟାଣ ନିର୍ଦ୍ଦେଶକଙ୍କ ଅନୁଯାୟୀ, ଏଥିମଧ୍ୟରୁ 15 ଟି ରିପୋର୍ଟ ଗ୍ରେଟର ହାଇଦ୍ରାବାଦରୁ ଆସିଛି ।
12 ପ୍ରବାସୀ ମଧ୍ୟ ସଂକ୍ରମିତ ହୋଇଥିବା ଜଣାପଡିଛି, ବର୍ତ୍ତମାନ ସୁଦ୍ଧା ରାଜ୍ୟରେ 89 ଜଣ ପ୍ରବାସୀ କୋରୋନା ସଂକ୍ରମିତ ହୋଇଥିବା ସୂଚନା ରହିଛି ।
ବୁଧବାର ଦୁଇ ଜଣଙ୍କୁ ଡାକ୍ତରଖାନାରୁ ଡିସଚାର୍ଜ କରାଯାଇଛି । ଏହାସହ ଡିସଚାର୍ଜ ରୋଗୀଙ୍କ ସଂଖ୍ୟା 1,013 କୁ ବୃଦ୍ଧି ପାଇଛି । ରାଜ୍ୟରେ ସକ୍ରିୟ ମାମଲା ବର୍ତ୍ତମାନ 608 ରହିଛି ।
@IANS
