ଚଣ୍ଡିଗଡ: ଆଜି ଠାରୁ ବିମାନ ସେବା ପୁନଃ ଆରମ୍ଭ ହେବାକୁ ଯାଉଛି । କୋରୋନା ପାଇଁ ବିଭିନ୍ନ ରାଜ୍ୟର ସତର୍କତା ମୂଳକ ଗାଇଡଲାଇନ ଜାରି କରୁଛନ୍ତି । ପଞ୍ଜାବକୁ ଆସୁଥିବା ସମସ୍ତ ଯାତ୍ରୀ କୋଭିଡ ଟେଷ୍ଟ କରିବା ବାଧ୍ୟତାମୂଳକ କରାଯାଇଛି ।
ପଞ୍ଜାବକୁ ଯାତ୍ରା କରୁଥିବା ସମସ୍ତ ଯାତ୍ରୀ ଚଣ୍ଡିଗଡ ବିମାନ ବନ୍ଦରରେ ଓହ୍ଲାଇବେ । ସୁରକ୍ଷା ଦୃଷ୍ଟିରୁ ସମସ୍ତ ଯାତ୍ରୀଙ୍କ କୋଭିଡ-19 ଟେଷ୍ଟ ବାଧ୍ୟତାମୂଳକ ଭାବେ କରାଯିବ । ଏନେଇ ମହାଲ୍ଲି ଜିଲ୍ଲାର ଜିଲ୍ଲାପାଳ ଗିରିଶ ଦୟାଲାନ ନିର୍ଦ୍ଦେଶ ଦେଇଛନ୍ତି ।
ସମସ୍ତ ଯାତ୍ରୀ 14 ଦିନ ପାଇଁ ହୋମ କ୍ବାରେଣ୍ଟାଇନରେ ରହିବେ । ଯେଉଁମାନଙ୍କ ରିପୋର୍ଟ ପଜିଟିଭ ରହିବ ସେମାନଙ୍କ ପାଇଁ ଆଇସୋଲେସନରେ ରହିବେ । ଯଦି ରିପୋର୍ଟ ନେଗେଟିଭ ରହେ, ତେବେ ସେମାନେ 14 ଦିନ ପାଇଁ ହୋମ କ୍ବାରେଣ୍ଟାଇନରେ ରହିବାକୁ ପଡିବ ବୋଲି କହିଛନ୍ତି ଦୟାଲାନ ।
ଏହା ସହ ସେ ଆହୁରି କହିଛନ୍ତି, ସମସ୍ତ ଏୟାରଲାଇନରେ ଷ୍ଟେସନ ମ୍ୟାନେଜର ନୋଡାଲ ଅଫିସରଙ୍କୁ ନିଯୁକ୍ତି ଦେବେ । ଯେଉଁ ଯାତ୍ରୀମାନଙ୍କ ଗନ୍ତବ୍ୟସ୍ଥଳ ପଞ୍ଜାବ ସେମାନଙ୍କ ଏକ ତାଲିକା ପ୍ରସ୍ତୁତ କରିବେ ।
ଆଜି ଠାରୁ ଆନ୍ଧ୍ରପ୍ରଦେଶ ଓ ପଶ୍ଚିମବଙ୍ଗ ବ୍ୟତୀତ ଦେଶବ୍ୟାପୀ ବିମାନ ସେବାକୁ ପୁନଃ ଆରମ୍ଭ କରାଯାଇଛି । କୋରୋନା ଲକଡାଉନ ପାଇଁ ଗତ 2 ମାସ ଧରି ବିମାନ ସେବାକୁ ବନ୍ଦ ରଖାଯାଇଥିଲା ।
@ANI
