ଥିରୁବନନ୍ତପୁରମ: ବିବାହ ପୂର୍ବରୁ ପ୍ରି-ୱେଡିଂ ସୁଟରେ ବ୍ୟସ୍ତ ଏହି ଦମ୍ପତି । ନଦୀରେ ହେଉଥିଲା ଫଟୋ ସୁଟ । ଡଙ୍ଗାରେ ବସି ଭିନ୍ନ ଭିନ୍ନ ପୋଜ ଦେବାରେ ବ୍ୟସ୍ତ ଉଭୟ। ଏହି ଖୁସିର ମୂହୂର୍ତ୍ତକୁ ହାତରେ ଧରି ରଖିବା ପାଇଁ ଯେପରି ଚେଷ୍ଟା କରୁଛନ୍ତି । ହେଲେ ହଠାତ ଖୁସିରେ ଆଖି ଲଗାଇଦେଲା ଭଳି ଏମିତି କିଛି ଘଟିଲା ଯାହା ସବୁ ଖୁସିରେ ପାଣି ପକାଇଦେଲା। ହଠାତ ଡଙ୍ଗାଟି ଓଲଟି ପଡିଥିଲା । ଆଉ ପାଣିରେ ପଡିଯାଇଥିଲା ଦମ୍ପତି।
ଆଉ ଏହି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଅନେକ ଏହାକୁ ଦେଖିବା ସହ ସେୟାର କରିବାରେ ଲାଗିଛନ୍ତି। ତେବେ ଏପରି ଘଟଣା ଦେଖିବାକୁ ମିଳିଛି କେରଳରେ । ଏହି ଦମ୍ପତି ଡଙ୍ଗାରେ ବସିଥାନ୍ତି ମୁଣ୍ଡ ଉପରେ ଗୋଟିଏ ଗଛର ବଡ ପତ୍ର ଫଟୋ ସୁଟ ପାଇଁ ରଖିଥାନ୍ତି । ଆଉ କିଛି ଲୋକ ତାଙ୍କ ଉପରକୁ ପାଣି ପକାଉଛନ୍ତି ।
ଯେପରି ଆପଣଙ୍କୁ ଲାଗିବ ଏହି ଦମ୍ପତି ଡଙ୍ଗାରେ ଯାଉଥିବା ବେଳେ ବର୍ଷା ହେଉଛି । ହେଲେ ହଠାତ ଡଙ୍ଗାଟି ଓଲଟି ପଡିଥିଲା । ଆଉ ଦୁହେଁ ପାଣିରେ ବୁଡି ଯାଇଥିଲେ । ହେଲେ ଘଟଣାସ୍ଥଳରେ ଉପସ୍ଥିତ ଥିବା ଲୋକେ ପାଣିରୁ ସେମାନଙ୍କୁ ଉଦ୍ଧାର କରିଥିଲେ ।
