ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ କୋରୋନା ଚିକିତ୍ସାକୁ ନେଇ ହସ୍ପିଟାଲ ମାଲିକ ନିଜ ମନମାନୀ କରୁଛନ୍ତି । ବେସରକାରୀ ହସ୍ପିଟାଲ ଏହାକୁ ନେଇ ବ୍ୟବସାୟ ଚଳାଇ ଥିବାବେଳେ ଏଥିରେ ରୋକ୍ ଲାଗିବାକୁ ଯାଉଛି । କୋରୋନା ଚିକିତ୍ସା, ପରୀକ୍ଷା ଦର ଏବେ ସରକାର ସ୍ଥିର କରିବାକୁ ଯାଉଛନ୍ତି । ଯାହା ଫଳରେ ଲୋକଙ୍କୁ ଏଥିରୁ ଆଶ୍ବସ୍ତି ମିଳିବ ବୋଲି ଆଶା କରାଯାଉଛି । ରାଜଧାନୀ ବାସୀ କମ ଦରରେ ବର୍ତ୍ତମାନ ଚିକିତ୍ସା କରିପାରିବେ ।
ଆଇସିୟୁ ରୁମ୍ ତଥା ଭେଣ୍ଟିଲେଟରର ଗୋଟିଏ ଦିନର ଚାର୍ଜ ରହୁଛି ପାଖାପାଖି ୭୨,୦୦୦ ଟଙ୍କା। ଯାହାକି ସାଧାରଣଙ୍କ ପାଇଁ ଅସମ୍ଭବ । ଏଣୁ ଏ ନେଇ ମଙ୍ଗଳବାର ହେବାକୁ ଥିବା ବୈଠକରେ ଦିଲ୍ଲୀ ଆପଦା ପରିଚାଳନା କାର୍ଯାଳୟ ଏହାକୁ ଉପସ୍ଥାପନ କରିବେ। ଏଥିରେ କେତେ ଟଙ୍କା ହ୍ରାସ କରାଯିବ ସେ ନେଇ ନିଷ୍ପତ୍ତି ନିଆଯିବ ।
