ୱାଶିଂଟନ: ବିଶ୍ବରେ କୋରୋନା ମହାମାରୀ ଯୋଗୁଁ ସ୍ଥିତି ଦିନକୁ ଦିନ ଅତି ଭୟଙ୍କର ହୋଇ ଚାଲିଛି । ଚୀନରୁ ସୃଷ୍ଟି ଏହି କୋରୋନା ଏବେ ଆମେରିକାରେ ତାଣ୍ଡବ ରଚୁଛି । ଜନ୍ ହପକିନ୍ସ ବିଶ୍ୱବିଦ୍ୟାଳୟର ସର୍ବଶେଷ ତଥ୍ୟ ଅନୁଯାୟୀ, ଏବେ ଆମେରିକାରେ କୋରୋନା ମୃତକଙ୍କ ସଂଖ୍ଯା ପ୍ରଥମ ବିଶ୍ୱଯୁଦ୍ଧରେ ହୋଇଥିବା ମୃତ୍ୟୁକୁ ଅତିକ୍ରମ କରି ସାରିଲାଣି । 24 ଘଣ୍ଟା ମଧ୍ୟରେ ଆମେରିକାରେ 740 ଜଣଙ୍କ କୋରୋନାରେ ମୃତ୍ୟୁ ଘଟିଛି ।
ମଙ୍ଗଳବାର ହୋଇଥିବା ନୂତନ ଆକଳନ ଅନୁଯାୟୀ, ଦେଶର ମୋଟ COVID-19 ମୃତ୍ୟୁ ସଂଖ୍ୟା 116,854 ପହଞ୍ଚିଲାଣି ବୋଲି ବଲ୍ଟିମୋର ବିଶ୍ୱବିଦ୍ୟାଳୟରୁ ଦର୍ଶାଇଛନ୍ତି । ତେବେ ଗତ 24 ଘଣ୍ଟାରେ 23,351 ନୂତନ ମାମଲା ଚିହ୍ନଟ ହୋଇ ସର୍ବମୋଟ ସଂକ୍ରମଣ ସଂଖ୍ୟା 2,134,973ରେ ପହଞ୍ଚିଛି । ପୂର୍ବ ସାତ ଦିନ ତୁଳନାରେ ଜୁନ୍ ଦ୍ୱିତୀୟ ସପ୍ତାହରେ ଆଲାବାମା ଏବଂ ଦକ୍ଷିଣ କାରୋଲିନାରେ COVID-19 ର ନୂତନ ମାମଲା ପ୍ରାୟ ଦ୍ୱିଗୁଣିତ ହୋଇଥିବା ଏକ ରିଟର୍ସ ବିଶ୍ଳେଷଣରୁ ଜଣାପଡିଛି । ଏନେଇ 17 ଟି ରାଜ୍ୟ ରିପୋର୍ଟ କରିଛନ୍ତି ।
ଏପଟେ ଫେଡେରାଲ ରିଜର୍ଭ ଚେୟାର ଜେରୋମ ପାୱେଲ ଚେତାବନୀ ଦେଇଛନ୍ତି ଯେ ମହାମାରୀର ଅବସାନ ନ ଘଟିବା ପର୍ଯ୍ୟନ୍ତ ଆମେରିକାର ଅର୍ଥନୀତି ପୁନରୁଦ୍ଧାର ହେବାର ସମ୍ଭାବନା ନାହିଁ।
