ନୂଆଦିଲ୍ଲୀ: ଦେଶରେ ବଢିଚାଲିଛି କୋରୋନା ଆକ୍ରାନ୍ତଙ୍କ ସଂଖ୍ୟା । ସମସ୍ତଙ୍କ ମନରେ ଭାଇରସକୁ ନେଇ ରହିଛି ଭୟ । ଜନସାଧାରଣଙ୍କୁ ନିଜ ଘରେ ରହିବା ସହ ସତର୍କତା ଆପଣାଇବାକୁ ପରାମର୍ଶ ଦିଆଯାଉଛି । ଏପରିସ୍ଥିତିରେ ଜେଲରେ ଥିବା କଏଦୀଙ୍କୁ କୋରୋନା ବିପଦ ଦର୍ଶାଇ କୋର୍ଟରେ ଯାଚିକା ଦାଖଲ କରାଯାଇଛି ।
କୋରୋନା ପ୍ରଭାବକୁ ଦୃଷ୍ଟିରେ ରଖି ଦେଶର ରାଜଧାନୀ ଦିଲ୍ଲୀର ସମସ୍ତ ଜେଲରେ ମାସ୍କ ଓ ସାନିଟାଇଜର ଯୋଗାଇଦେବାକୁ ଜଣେ ଆଇନଜୀବୀ ଦିଲ୍ଲୀ ହାଇକୋର୍ଟରେ ଯାଚିକା ଦାଖଲ କରିଛନ୍ତି । ଏହାସହ ରାଜଧାନୀର ସମସ୍ତ ଜେଲକୁ କ୍ବାରେଣ୍ଟାଇନ କରିବାକୁ ଏହି ଯାଚିକାରେ ଦର୍ଶାଯାଇଛି । ତେବେ ଦିଲ୍ଲୀ ହାଇକୋର୍ଟ ଆସନ୍ତା 24ରେ ଦାଖଲ ଯାଚିକାର ଶୁଣାଣି କରିବେ ବୋଲି ଜଣାପଡିଛି ।
ଦେଶରେ କୋରୋନା ଆକ୍ରାନ୍ତଙ୍କ ସଂଖ୍ୟା 258 ଛୁଇଁଛି । ଏହାସହ ଏବେସୁଦ୍ଧା କୋରୋନା ପ୍ରଭାବରେ ଦେଶରେ 5 ଜଣଙ୍କର ଜୀବନ ଯାଇସାରିଲାଣି ।
@ANI
