ଚଣ୍ଡିଗଡ: ନିର୍ବାଚନ ପ୍ରଚାର ସମୟରେ ନେତାଙ୍କୁ କାର, ବସ୍ ଏବଂ ବାଇକ ଭଳି ବିଭିନ୍ନ ଯାନରେ ଯାତ୍ରା କରୁଥିବା ଦେଖିବାକୁ ମିଳିଥାଏ । କିନ୍ତୁ ଲୋକସଭା ନିର୍ବାଚନର ପ୍ରଚାର ସମୟରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ପଞ୍ଜାବରେ ଏକ ନୂଆ ରୂପରେ ଦେଖିବାକୁ ମିଳିଛି । ସେଠାରେ ଟ୍ରାକ୍ଟର ଚଳାଉଥିବା ନଜର ଆସିଛନ୍ତି ରାହୁଲ ଗାନ୍ଧୀ । ତେବେ ସେ କେବଳ ଟ୍ରାକ୍ଟର ଚଳାଇ ନାହାନ୍ତି ବରଂ ପଞ୍ଜାବର ମୁଖ୍ୟମନ୍ତ୍ରୀ କ୍ୟାପଟେନ ଅମରେନ୍ଦର ସିଂହଙ୍କୁ ବସାଇ ବୁଲାଇଛନ୍ତି । ଯାହାର ଏକ ଭିଡିଓ ସୋସିଆଲ ମିଡିଆରେ ଶେୟାର କରିଛି କଂଗ୍ରେସ ।
ଭିଡିଓ ସୌଜନ୍ୟ: ସମ୍ବାଦଦାତା, ପଞ୍ଜବ
ଭିଡିଓରେ ରାହୁଲ ଗାନ୍ଧୀ ଡ୍ରାଇଭର ସିଟ୍ରେ ବସିଛନ୍ତି । ତେବେ ତାଙ୍କ ନିକଟରେ ଅମରେନ୍ଦର ସିଂହ ଏବଂ କଂଗ୍ରେସର କିଛି ନେତା ବସିଛନ୍ତି । ତାଙ୍କ ଆଖପାଖରେ କିଛି ଲୋକ ଦୌଡୁଥିବା ନଜର ଆସିଛନ୍ତି ଏହି ଭିଡିଓରେ ।
ସୂଚନା ଯୋଗ୍ୟ, ରାହୁଲ ଗାନ୍ଧୀ ପଞ୍ଜବର ବରଗାରୀରେ ଏକ ଜନସଭାକୁ ଉଦବୋଧନ ଦେଇଥିଲେ । ଏହା ପରେ ତାଙ୍କୁ କିଛି ଏଭଳି ରୂପରେ ଦେଖିବାକୁ ମିଳିଥିଲା ।
