ନୂଆଦିଲ୍ଲୀ: କଂଗ୍ରେସ ନେତା ତଥା ଚାନ୍ଦିନୀଚୌକର ପୂର୍ବ ବିଧାୟକ ଅଲକା ଲାମ୍ବା ରବିବାର ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଗୀତ ‘ହମ୍ ହୋଙ୍ଗେ କାମୟାବ ଏକ ଦିନ୍’କୁ ନେଇ ପ୍ରତିକ୍ରିୟା ରଖିଛନ୍ତି । ସେ ଟ୍ବିଟ କରି ଲେଖିଛନ୍ତି, ‘ଆଜି AAPର ଦିନ କାଲି ଆମର ରହିବ’ ।
କଂଗ୍ରେସରୁ ଆମ ଆଦମୀ ପାର୍ଟି ଓ ପୁଣି କଂଗ୍ରେସରେ ଯୋଗ ଦେଇଥିବା ଅଲକା ଟ୍ବିଟ କରି ଅତୀତ ଆମର ଥିଲା ଓ ଭବିଷ୍ୟତ ଆମର ରହିବ ବୋଲି ସେ କହିଛନ୍ତି । ପ୍ରକାଶଥାଉକି, ଅଲକା ଅନେକ ସମୟରେ କଂଗ୍ରେସରେ ପ୍ରଶଂସା କରୁଥିବାର ନଜର ଆସିଛନ୍ତି ।
ସେ ଅନେକ ବର୍ଷ କଂଗ୍ରେସରେ ରହିବା ପରେ 2014ରେ ଆମ ଆଦମୀ ପାର୍ଟିରେ ସାମିଲ ହୋଇଥିଲେ । ଲୋକସଭା ନିର୍ବାଚନ ସମୟରେ ଆଲକା ପୁଣି କଂଗ୍ରେସ ଫେରିଯାଇଥିଲେ । ଚଳିତ ବିଧାନସଭା ନିର୍ବାଚନରେ ଅଲକା ଲମ୍ବା ଚାନ୍ଦିନୀଚୌକରୁ କଂଗ୍ରେସର ପ୍ରାର୍ଥୀ ଭାବେ ଲଢିଥିଲେ ମାତ୍ର ତାଙ୍କୁ ପରାଜୟର ସ୍ବାଦ ଚାଖିବାକୁ ପଡିଥିଲା ।
ଅନ୍ୟପକ୍ଷେ ଚଳିତ ବର୍ଷ ବିଧାନସଭା ନିର୍ବାଚନରେ ଦିଲ୍ଲୀର ମୋଟ 70 ଆସନ ମଧ୍ୟରୁ ଗୋଟିଏ ଆସନରେ ବି କଂଗ୍ରେସ ନିଜ ଖାତା ଖୋଲିପାରିନି । ଏହାପରେ ରାଜ୍ୟ ଅଧ୍ୟକ୍ଷ ସୁଭାଷ ଚୋପ୍ରା ଓ ପିସି ଚାକୋ ଇସ୍ତଫା ଦେଇଥିଲେ ।
