ନୂଆଦିଲ୍ଲୀ: ଲୋକସଭାର କଂଗ୍ରେସ ସଂସଦୀୟ ଦଳ ନେତା ଅଧିର ରଞ୍ଜନ ଚୌଧୁରୀ କେନ୍ଦ୍ର ସରକାରଙ୍କୁ ଟାର୍ଗେଟ କରିବା ସହ ବିରୋଧ କରିବାରେ କୌଣସି ବି ସୁଯୋଗ ହାତ ଛଡା କରନ୍ତିନାହିଁ । ଏବେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହଙ୍କୁ ନେଇ ଏକ ଦେଇଥିବା ବିବାଦୀୟ ବୟାନ ଚର୍ଚ୍ଚାର ବିଷୟ ପାଲଟିଛି। ସାରା ଦେଶରେ ଜାତୀୟ ନାଗରିକତା ପଞ୍ଜିକା(ଏନଆରସି) ଲାଗୁ ହେବା ନେଇ ସେ ବର୍ଷିଛନ୍ତି। ଏ ପ୍ରସଙ୍ଗରେ ସେ କହିଛନ୍ତି ପ୍ରଧାନମନ୍ତ୍ରୀ ଓ କେନ୍ଦ୍ର ଗୃହମନ୍ତ୍ରୀଙ୍କୁ ଅନୁପ୍ରବେଶକାରୀ ବୋଲି କହିବାକୁ ପଛାଇନାହାଁନ୍ତି।
ଦେଶବ୍ୟାପୀ ଏନଆରସି ଲାଗୁ ନେଇ ଦେଶବାସୀ ଭୟଭୀତ ରହିଛନ୍ତି ବୋଲି ସେ କହିଛନ୍ତି । ହିନ୍ଦୁସ୍ତାନ କାହାର ପୈତୃକ ସମ୍ପତ୍ତି ନୁହେଁ ବୋଲି ସେ କହିଛନ୍ତି । ଅମିତ ଶାହା ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜେ ଅନୁପ୍ରବେଶକାରୀ ବୋଲି କହିଛନ୍ତି ଅଧିର ରଞ୍ଜନ । ଘର ଗୁଜୁରାଟ ଓ ଦିଲ୍ଲୀରେ ଆସି ରହିଛନ୍ତି ମୋଦି ଜୀ ଓ ଶାହ ଜୀ ବୋଲି କହିବା ସହ ସେମାନେ ଅନୁପ୍ରବେଶକାରୀ ବୋଲି କହିଛନ୍ତି କଂଗ୍ରେସ ସଂସଦୀୟ ଦଳ ନେତା।
ଏଠାରେ ସୂଚନା ଯୋଗ୍ୟ ଯେ କିଛି ଦିନ ସଂସଦରେ ଶୀତକାଳୀନ ଅଧିବେଶନର ତୃତୀୟ ଦିନରେ ରାଜ୍ୟସଭାରେ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ ଜାତୀୟ ନାଗରିକତା ପଞ୍ଜିକା(ଏନଆରସି)କୁ ନେଇ ବଡ ବୟାନ ଦେଇଥିଲେ । ଆଗକୁ ଦେଶବ୍ୟାପୀ ଏନଆରସି ଲାଗୁ ହେବ ବୋଲି ସେ କହିଥିଲେ । ଏହାସହ କୌଣସି ଧର୍ମର ଲୋକ ଡରିବା ଆବଶ୍ୟକ ନାହିଁ ବୋଲି ରାଜ୍ୟସଭାରେ ବିବୃତି ରଖିଥିଲେ।
