ନୂଆଦିଲ୍ଲୀ: ବିଜୟୀ ପ୍ରାର୍ଥୀଙ୍କୁ ଶୁଭେଚ୍ଛା ଜଣାଇଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା । ନାଁ ନନେଇ ବିଜୟୀ ଲାଭ କରିଥିବା ପ୍ରାର୍ଥୀଙ୍କୁ ମମତା ଶୁଭେଚ୍ଛା ଜଣାଇଛନ୍ତି ।
"ସମସ୍ତ ବିଜୟୀଙ୍କୁ ଶୁଭେଚ୍ଛା, ହାରିଥିବା ପ୍ରାର୍ଥୀଙ୍କ ପାଇଁ ଏହା ଶେଷ ସୁଯୋଗ ନ ଥିଲା । ଯଥେଷ୍ଟ ସମୀକ୍ଷା ପରେ ଆମେ ମତାମତ ସାମ୍ନାରେ ରଖିବୁ । ବର୍ତ୍ତମାନ ଗଣତି ପ୍ରକ୍ରିୟାକୁ ପୂର୍ଣ୍ଣ ହେବାକୁ ଦିଆଯାଉ। ଏବଂ ଇଭିଏମ ସହିତ ଭିଭିପାଟ ସ୍ଲିପ୍ ମେଳ ହେଉ।'' ବୋଲି ମମତା ନିଜ ଟ୍ବିଟର ହ୍ୟାଣ୍ଡେଲରେ ଉଲ୍ଲେଖ କରିଛନ୍ତି ।
ମଧ୍ୟ୍ୟାହ୍ନ ସମୟରେ ଭୋଟିଂ ରେଜଲ୍ଟ ଆସିବା ସହ ବିଜେପି ଶାସିତ ଏନଡିଏ ପୁନର୍ବାର ତାର ପୂର୍ବ କ୍ଷମତାକୁ ଫେରିଆସିଥିବା ଦେଖି ମମତା ନିଜର ଏହି କମେଣ୍ଟ ରଖିଛନ୍ତି । ଖବର ଅନୁଯାୟୀ, ବର୍ତ୍ତମାନ 542 ଲୋକସଭା ଆସନରୁ ଏନଡିଏ 350 ସିଟରେ ଦେଶରେ ଆଗୁଆ ରହିଛି । ଏହାସହ କଂଗ୍ରେସ ଶାସିତ ଉପା ସରକାର 89 ସିଟରେ ଆଗୁଆ ରହିଛି । ପରେ ପରେ ଏସପି ଓ ବିଏସପି 103 ସିଟରେ ଲିଡ କରୁଛି ।
