ଲକ୍ଷ୍ନୌ: ମଧ୍ୟପ୍ରଦେଶର ରାଜ୍ୟପାଳ ତଥା ଲକ୍ଷ୍ନୌର ପୂର୍ବତନ ସାଂସଦ ଲାଲଜୀ ଟଣ୍ଡନଙ୍କ ସ୍ବାସ୍ଥ୍ୟାବସ୍ଥା ଗୁରୁତର ହୋଇପଡିଥିବା ଜଣାପଡିଛି । ଲକ୍ଷ୍ନୌର ମେନ୍ଦାତା ହସ୍ପିଟାଲରେ ଚିକିତ୍ସିତ ହେଉଛନ୍ତି ଟଣ୍ଡନ ।
ରାଜ୍ୟପାଳ ଲାଲଜୀ ଟଣ୍ଡନଙ୍କ ସ୍ବାସ୍ଥ୍ୟାବସ୍ଥା ଗୁରୁତର ଥିବାବେଳେ ତାଙ୍କୁ ଭେଣ୍ଟିଲେଟରରେ ରଖାଯାଇଥିବା ମେନ୍ଦାତା ହସ୍ପିଟାଲ ପକ୍ଷରୁ ହେଲ୍ଥ ବୁଲେଟିନ ଜାରି କରି ସୂଚନା ଦିଆଯାଇଛି । ତେବେ ମେଡିକାଲ ଟିମ ତାଙ୍କ ସ୍ବାସ୍ଥ୍ୟାବସ୍ଥା ଉପପରେ ନଜର ରଖିଛି ।
ଡାକ୍ତରଙ୍କ କହିବା ଅନୁଯାୟୀ ଲାଲଜୀ ଟଣ୍ଡନଙ୍କ ସ୍ବାସ୍ଥ୍ୟାବସ୍ଥା ଦିନକୁ ଦିନ ଅଧିକ ଗୁରୁତର ହେବାରେ ଲାଗିଛି । ତାଙ୍କ ଫୁସଫୁସ, କିଡନୀ ଓ ଲିଭର ଠିକରେ କାମ କରୁନାହିଁ । କିଛି ଦିନ ପୂର୍ବରୁ ସେ ଅସୁସ୍ଥ ହୋଇପଡିଥିବାବେଳେ ଚିକିତ୍ସା ପରେ ତାଙ୍କ ସ୍ବାସ୍ଥ୍ୟାବସ୍ଥାରେ ଟିକିଏ ସୁଧାର ଆସିଥିଲା । ହେଲେ ପୂନର୍ବାର ସେ ଗୁରୁତର ହୋଇପଡିଛନ୍ତି ।
