ଗୌହାଟି: ହେଲାକାଣ୍ଡି ଜିଲ୍ଲାରେ ହୋଇଥିବା ସାମ୍ପ୍ରଦାୟିକ ହିଂସାରେ ଜଣେ ବ୍ୟକ୍ତିର ମୃତ୍ୟୁ ହୋଇଥିବାବେଳେ 14 ଜଣ ଆହତ ହୋଇଛନ୍ତି ।
ସମ୍ପୂର୍ଣ୍ଣ ଜିଲ୍ଲାରେ କର୍ଫ୍ୟୁ ଲଗାଯାଇଥିବାବେଳେ ଶାନ୍ତି ବଜାୟ ରଖିବା ପାଇଁ ସେନାକୁ ଡକାଯାଇଛି । ଏଥିସହିତ ଘଟଣାର ଯାଞ୍ଚ୍ ପାଇଁ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନଓ୍ବାଲ ଆଦେଶ ଦେଇଛନ୍ତି ।
ମସଜିଦ ସାମ୍ନାରେ ରାସ୍ତା ଉପରେ ନମାଜ ପଢାଯିବାକୁ ନେଇ ଦୁଇ ସମ୍ପ୍ରଦାୟଙ୍କ ମଧ୍ୟରେ ଏହି ହିଂସା ହୋଇଥିଲା । ହିଂସାରେ 15 ଜଣ ବ୍ୟକ୍ତି ଆହତ ହୋଇଥିବାବେଳେ ଜଣଙ୍କର ହସପିଟାଲରେ ମୃତ୍ୟୁ ହୋଇଯାଇଛି । ହିଂସା ଫଳରେ 15ରୁ ଅଧିକ ଯାନବାହନ କ୍ଷତିଗ୍ରସ୍ତ ହେବା ସହିତ 12ଟି ଦୋକାନରେ ନିଆଁ ଲଗାଇ ଦିଆଯାଇଛି ।
ହିଂସାକୁ ଦୃଷ୍ଟିରେ ରଖି ଶୁକ୍ରବାର ସଂଧ୍ୟା 6ଟାରୁ ମେ 12 ତାରିଖ ସଂଧ୍ୟା 7ଟା ପର୍ଯ୍ୟନ୍ତ କର୍ଫ୍ୟୁ ଲଗାଯାଇଥିବା ଡେପୁଟି କମିଶନର କୀର୍ତ୍ତି ଜଲ୍ଲି କହିଛନ୍ତି ।
