ନୂଆଦିଲ୍ଲୀ: ବିମାନବନ୍ଦରରେ ତଦନ୍ତବେଳେ ଧରାପଡିଲା ବେଆଇନ ବିଦେଶୀ ମୁଦ୍ରା । ଦିଲ୍ଲୀର ଆଇଜିଆଇ ଏୟାରପୋର୍ଟର ଟର୍ମିନାଲ-3ରେ ସିକ୍ୟୁରିଟି ଚେକିଂ ବେଳେ ସିଆଇଏସଫ 2 ଭାରତୀୟ ଯାତ୍ରୀଙ୍କ ନିକଟରୁ ନଗଦ 25 ଲକ୍ଷ 13 ହଜାର ବିଦେଶୀ ମୁଦ୍ରା ଜବତ କରିଛି । ପରେ 2 ଭାରତୀୟଙ୍କୁ କଷ୍ଟମ ବିଭାଗକୁ ପଠାଇଦିଆଯାଇଛି ।
ଧରାପଡିଥିବା 2 ଭାରତୀୟଙ୍କ ପରିଚୟ ଫରହାନ ଖାନ ଏବଂ ମହମ୍ମଦ ଆମୀର ଅସାଂରୀ । ସେମାନେ ଦୁବାଇ ଯାତ୍ରା କରୁଥିବା ସିଆଇଏସଏଫ ପକ୍ଷରୁ ସୂଚନା ମିଳିଛି । ତେବେ ଉଭୟଙ୍କୁ ଯାଞ୍ଚ କଲାବେଳେ ସିଆଇଏସଏଫଙ୍କୁ ସନ୍ଦେହ ହେଲା । ତାପରେ ତାଙ୍କ ନିକଟରେ ଥିବା ବ୍ୟାଗକୁ ଭଲ ଭାବେ ଯାଞ୍ଚ କରାଗଲା । ଏହି ବ୍ୟାଗରେ 1 ଲକ୍ଷ ସାଉଦୀ ରିୟାଲ, 4 ହଜାର କତର ରିୟାଲ, 3 ହଜାର ଓମିନୀ ରିୟଲ ଥିଲା ।
ଏସମ୍ପର୍କରେ ପ୍ରଶ୍ନ କରାଯିବାରୁ ସେମାନେ ଟଙ୍କାର କୌଣସି ଡକ୍ୟୁମେଣ୍ଟ କମ୍ବା କୌଣସି ଚିଠା ଦେଖାଇ ପାରିଲେ ନାହିଁ । ଫଳରେ ସେମାନଙ୍କୁ କଷ୍ଟମ ବିଭାଗ ପକ୍ଷରୁ ଗିରଫ କରି ସମସ୍ତ ଟଙ୍କା ଜବତ କରିଛି ।
