ସୁକମାରେ ପୁଣି ଆଇଡି ବ୍ଲାଷ୍ଟ, 2 ଯବାନ ଆହତ

ଛତିଶଗଡ଼ ସୁକମାରେ ପୁଣି ମାଓ ହମଲା । ଆଇଡି ବ୍ଲାଷ୍ଟରେ ଦୁଇ ଯବାନ ଗୁରୁତର ଆହତ ହୋଇଛନ୍ତି ।

ରାୟପୁର: ଛତିଶଗଡରେ ପୁଣି ଗର୍ଜି ଉଠିଛନ୍ତି ମାଓବାଦୀ । ଶାନ୍ତ ହେଉନି ସୁକମା । ମାଓବାଦୀଙ୍କ ଦ୍ବାରା ରାସ୍ତାରେ ଖଞ୍ଜାଯାଇଥିବା ଆଇଡ ବିସ୍ଫୋରଣ ଯୋଗୁଁ ଗୁରୁତର ଭାବେ ଆହତ ହୋଇଛନ୍ତି ଜିଲ୍ଲା ରିର୍ଜଭ ଗାର୍ଡର ଦୁଇ ସେନା କର୍ମଚାରୀ । ସୁକମା ଜିଲ୍ଲାର ଗୋଗୁଣ୍ଡା ଅଞ୍ଚଳରେ ଘଟିଛି ଏହି ବିସ୍ଫୋରଣ ।

ଆହତ ଦୁଇ ଯବାନଙ୍କୁ ଚିକିତ୍ସା ପାଇଁ ରାୟପୁରକୁ ବିମାନ ଯୋଗେ ପଠାଇବା ପାଇଁ ଯଥାଶୀଘ୍ର ପ୍ରୟାସ କରୁଛୁ ବୋଲି କହିଛନ୍ତି ସୁକମା ଏଏସପି ସାଲାବାହ୍ ସିହ୍ନା ।