ଅଯୋଧ୍ୟା: ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ଅଗଷ୍ଟ 15ରେ ସରିଛି ଭୂମି ପୂଜନ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭୂମି ପୂଜନ କରିବା ପରେ ଏବେ ଭବ୍ୟ ମନ୍ଦିର ନିର୍ମାଣ କାର୍ଯ୍ୟ ଆରମ୍ଭ ହୋଇଛି । ମନ୍ଦିର ନିର୍ମାଣ ଆରମ୍ଭ ହେବାପରେ ସାଧୁ ସନ୍ଥଙ୍କ ଭକ୍ତଙ୍କ ମଧ୍ୟରେ ଖୁସିର ମାହୋଲ ।
ସେପଟେ ଆଜି ( ବୁଧବାର) ରାମ ମନ୍ଦିର ନିର୍ମାଣକୁ ନେଇ ବଡ ସୂଚନା ଦେଇଛନ୍ତି ରାମ ମନ୍ଦିର ତୀର୍ଥକ୍ଷେତ୍ର ଟ୍ରଷ୍ଟ ମହାସଚିବ ଚମ୍ପତ୍ତ ରାୟ । ଚମ୍ପତ୍ତ କହିଛନ୍ତି ସମ୍ପୂର୍ଣ୍ଣ ମନ୍ଦିର ନିର୍ମାଣ ପାଇଁ 36 ରୁ 40 ମାସ ସମୟ ଲାଗିବ । ଅର୍ଥାତ 3 ରୁ ସାଢେ 3 ବର୍ଷ ମଧ୍ୟରେ ମନ୍ଦିର ନିର୍ମାଣ ସମ୍ପୂର୍ଣ୍ଣ ହେବ ।
ଟ୍ରଷ୍ଟ ମହାସଚିବ ଚମ୍ପତ୍ତ ରାୟ ଆହୁରି କହିଛନ୍ତି ଯେ ମନ୍ଦିର ନିର୍ମାଣରେ ଦ୍ରୁତଗତି ଆଣାଯିବ । ମନ୍ଦିର ମଜବୁତ ପାଇଁ 12 ଶହ ଖମ୍ଭ ହେବ । ସେହିପରି ସମସ୍ତ ସାମଗ୍ରୀ ବର୍ତ୍ତମାନ ଅଯୋଧ୍ୟାରେ ପହଞ୍ଚିବାରେ ଲାଗିଛି । ଅଳ୍ପ କିଛି ଦିନ ମଧ୍ୟରେ ମନ୍ଦିର ନିର୍ମାଣ ଦ୍ରୁତଗତିରେ ଆଗେଇବ ବୋଲି ଚମ୍ପତ୍ତ ସ୍ପଷ୍ଟ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
