ଇଟାନଗର: ଆଉ କିଛି ସମୟ ପରେ ଘରେ ପହଞ୍ଚି ପରିବାର ଓ ସାଙ୍ଗସାଥୀଙ୍କ ସହ ନିଜର ଖୁସି ବାଣ୍ଟିଥାନ୍ତେ ତିନି ସାଙ୍ଗ । ମାତ୍ର କିଛି ଏପରି ଘଟିଲା । ଯାହାଦ୍ବାରା ଖୁସି ବାଣ୍ଟିବା ତ ଦୂରର କଥା ଘରେ ପହଞ୍ଚି ପାରିଲେନି ତିନି ସାଙ୍ଗ । ଏକ ସଡକ ର୍ଦୁଘଟଣାରେ ତିନି ଜଣ ଯୁବକଙ୍କ ମୃତ୍ୟୁ ଘଟିଛି । ଗତ ବୁଧବାର ତିନି ଜଣ ଯୁବକ କ୍ରିକେଟ ମ୍ୟାଚ ଜିତି ଘରକୁ ଫେରିବା ବେଳେ କାର ର୍ଦୁଘଟଣାରେ ସେମାନଙ୍କ ମୃତ୍ୟୁ ହୋଇଛି । ଏଭଳି ଏକ ଦୁଃଖଦ ଘଟଣା ଦେଖିବାକୁ ମିଳିଛି ହିମାଚଳ ପ୍ରଦେଶର ଚମ୍ବାରେ ।
ସୂଚନା ଅନୁଯାୟୀ, ଚମ୍ବାର ଚୁରାହ କ୍ରିକେଟ ଗ୍ରାଉଣ୍ଡ ଭଞ୍ଜରାଡୁରେ କ୍ରିକେଟ ଟ୍ରଫି ଚାଲିଥିଲା । ଯେଉଁଥିରେ ଏହି ତିନି ସାଙ୍ଗ ଭାଗ ନେଇ କ୍ରିକେଟ ମ୍ୟାଚ ଜିତିଥିଲେ । ଏହାପରେ ସେମାନେ ରାତି ପ୍ରାୟ 8 ସମୟରେ ଏକ କାର ଯୋଗେ ସୁଲଗାନୀ ଫେରୁଥିଲେ । ଏହି ସମୟରେ ଘନ କୁହୁଡି କାରଣରୁ ଗାଡି ଚଲାଉଥିବା ଯୁବକ ଜଣଙ୍କ ନିୟନ୍ତ୍ରଣ ହରାଇଥିଲେ ଓ କାରଟି ଖାଲ ମଧ୍ୟକୁ ଖସି ପଡିଥିଲା ।
କାର ପଡିବା ଶଦ୍ଦ ଶୁଣି ସ୍ଥାନୀୟ ଲୋକେ ଘଟଣା ସ୍ଥଳରେ ପହଞ୍ଚି କାର ମଧ୍ୟରୁ ଯୁବକ ମାନଙ୍କୁ ଉଦ୍ଧାର କରି ମେଡିକାଲ ପଠାଇଥିଲେ । ମାତ୍ର ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲା । ଖବର ପାଇ ପୋଲିସ ତଦନ୍ତ ଆରମ୍ଭ କରିଛି ।
