ନୂଆଦିଲ୍ଲୀ: କେନ୍ଦ୍ରମନ୍ତ୍ରୀ ନିତିନ ଗଡକରୀ କୋରୋନା ଯୁଦ୍ଧରେ ବିଜୟୀ ହୋଇଛନ୍ତି । କୋରୋନାକୁ ପରାସ୍ତ କରି ସେ ସୁସ୍ଥ ହୋଇଛନ୍ତି । ଏ ବିଷୟରେ ନିଜେ ସୂଚନା ଦେଇଛନ୍ତି ଗଡକରୀ । ବୁଧବାର ନିତିନ ଗଡକରୀ ତାଙ୍କ ସ୍ବାସ୍ଥ୍ୟ ସମ୍ପର୍କରେ ଟ୍ବିଟ କରି ସୂଚନା ଦେଇଛନ୍ତି।
ସେ ଟ୍ବିଟରେ ଲେଖିଛନ୍ତି, ‘ମତେ ଆପଣ ସମସ୍ତଙ୍କୁ ଏହା କହିବାକୁ ଖୁସି ଲାଗୁଛି ଯେ ଆପଣଙ୍କ ଆର୍ଶୀବାଦ ଓ ଶୁଭେଚ୍ଛାରେ ମୁଁ କୋରୋନାରୁ ସୁସ୍ଥ ହୋଇଛି । ଆପଣଙ୍କ ସ୍ନେହ ପାଇଁ ଧନ୍ୟବାଦ’ । ନିତିନ ଗଡକରୀ ଯେତେବେଳେ କୋରୋନା ସଂକ୍ରମିତ ହୋଇଥିଲେ ସେତେବେଳେ ବି ସେ ନିଜେ ଟ୍ବିଟ କରି ଜଣାଇଥିଲେ ।
କୋରୋନା ସଂକ୍ରମିତ ହେବା ବିଷୟରେ ସୂଚନା ଦେବା ପରେ ନିତିନ ଗଡକରୀ ଟ୍ବିଟରରେ କ୍ରମାଗତ ଭାବରେ ସକ୍ରିୟ ଥିଲେ। ସେ ସମସ୍ତ ପ୍ରସଙ୍ଗରେ ନିଜର ମତାମତ ଦେଉଥିଲେ ଏବଂ ତାଙ୍କ ରିପୋର୍ଟ ନେଗେଟିଭ୍ ଆସିଥିବା ନେଇ ମଧ୍ୟ ସେ ସୂଚନା ଦେଇଛନ୍ତି ।
