ଲକ୍ଷ୍ନୌ: ସୋମବାର ଦୁଇ ଦିନିଆ ଭାରତ ଗସ୍ତରେ ଆସୁଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଏନେଇ ପ୍ରସ୍ତୁତି ଜୋରସୋରରେ ଚାଲିଥିବା ବେଳେ ପ୍ରଥମ ଦିନରେ ଟ୍ରମ୍ପ ଅହମ୍ମଦାବାଦ ଗସ୍ତ କରିବାର କାର୍ଯ୍ୟକ୍ରମ ରହିଛି । ଯାହାକୁ ନେଇ ଆଗ୍ରାର ବିଭିନ୍ନ ଗୁରୁତ୍ବପୂର୍ଣ୍ଣ ସ୍ଥାନରେ ସିସିଟିଭି କ୍ୟାମେରା ଲଗାଯିବା ସହ ସିସିଟିଭିର ନିୟନ୍ତ୍ରଣ ପାଇଁ କଣ୍ଟ୍ରୋଲ ରୁମର ବ୍ୟବସ୍ଥା କରାଯାଇଛି ।
ଟ୍ରମ୍ପଙ୍କ ଗସ୍ତକୁ ନେଇ ଖେରିଆ ଏୟାରପୋର୍ଟରୁ ତାଜମହଲ ପର୍ଯ୍ୟନ୍ତ ପାଖାପାଖି 30 ଟି କ୍ୟାମେରା ମୋଟ 18 ଟି ସ୍ଥାନରେ ଲଗାଯାଇଛି । ଯାହା ସିସିଟିଭି କ୍ୟାମେରା ସାହାଯ୍ୟରେ ନିରିକ୍ଷଣ କରାଯିବା ନେଇ ବରିଷ୍ଠ ପୋଲିସ ଅଧିକାରୀ ବି କୁମାର କହିଛନ୍ତି ।
ଭାରତୀୟ ପ୍ରତ୍ନତତ୍ବ ସର୍ବେକ୍ଷଣ ଅନୁଯାୟୀ, ସୋମବାର ସାଧାରଣ ପର୍ଯ୍ୟଟକଙ୍କ ପାଇଁ ତାଜମହଲ ଅପରାହ୍ନ 12ଟା ପରେ ବନ୍ଦ ରହିବ । ତେବେ ଟ୍ରମ୍ପଙ୍କ ଗସ୍ତକୁ ନେଇ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।
