ବେଙ୍ଗାଲୁରୁ: ମଦ୍ୟପ ଡ୍ରାଇଭରର ଉନ୍ମତ ଡ୍ରାଇଭିଂ । ପଥଚାରୀଙ୍କ ଉପରକୁ ମାଡିଗଲା କାର । ଫଳରେ ଘଟଣା ସ୍ଥଳରେ 2ଜଣ ଗୁରୁତର ଆହତ ହୋଇଛନ୍ତି । କର୍ଣ୍ଣାଟକର ଏଚଏସଆର ଅଞ୍ଚଳରେ ଘଟିଛି ଏଭଳି ଭୟଙ୍କର ଦୁର୍ଘଟଣା । ଯାହାର ଛାତିହରା ଭିଡିଓ କଏଦ ହୋଇଛି ସିସିଟିଭିରେ ।
ଭିଡିଓ ସୌଜନ୍ୟ: ଇଟିଭି ବ୍ୟୁରୋ
ଉଭୟ ଗୁରୁରତଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି କାର ଚାଲକଙ୍କୁ ଗିରଫ କରିଛି । ସୂଚନା ଅନୁସାରେ, ପ୍ରତ୍ୟେକ ଦିନ ଭଳି ବ୍ୟସ୍ତ ବହୁଳ ଥିଲା ଏଚଏସଆର ଅଞ୍ଚଳ । ହେଲେ ହଠାତ୍ ଏକ କାର ନିୟନ୍ତ୍ରଣ ହରାଇ ଫୁଟପାଥକୁ ମାଡି ଆସିଥିଲା । ଫଳରେ 8 ଜଣ ଉପରକୁ ମାଡି ଯାଇଥିଲା କାର୍ । ଦୁର୍ଘଟଣା ଏତେ ଭୟଙ୍କର ଥିଲା ଯେ, 7 ରୁ 8 ପଥଚାରୀ ଛିଟିକି ଏଣେତେଣେ ପଡିଥିଲେ । ତେବେ ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି । ଡ୍ରାଇଭର ଜଣକ ମଦ୍ୟପାନ କରିଥିବାରୁ ଏପରି ଦୁର୍ଘଟଣା ଘଟିଥିବା ଅନୁମାନ କରାଯାଉଛି ।
