ନୂଆଦିଲ୍ଲୀ: ବିମାନ ଯାତ୍ରୀଙ୍କ ପାଇଁ ଖୁସି ଖବର । ଏଣିକି ବିମାନ ଯାତ୍ରା ସମୟରେ ଆଉ ଆବଶ୍ୟକ ପଡିବନି ବିମାନ ଟିକେଟ୍ କିମ୍ବା ବୋର୍ଡିଂ ପାସ୍ । ଆପଣଙ୍କ ଚେହେରା ହିଁ ଆପଣଙ୍କ ଟିକେଟ୍ ଓ ବୋର୍ଡି୍ଂ ପାସ । କାରଣ ଖୁବ ଶୀଘ୍ର ଇନ୍ଦିରାଗାନ୍ଧୀ ଇଣ୍ଟରନ୍ୟାସନାଲ ଏୟାରପୋର୍ଟରେ ଏହାର ପରୀକ୍ଷଣ ହେବାକୁ ଯାଉଛି ।
ଏୟାରପୋର୍ଟକୁ ପେପରଲେସ କରିବା ଉଦ୍ଦେଶ୍ୟରେ କେନ୍ଦ୍ର ସରକାର ଏହି ପଦକ୍ଷେପ ଗ୍ରହଣ କରିବାକୁ ଯାଉଛନ୍ତି । ଏଥିପାଇଁ ଏକ ଆପ୍ ମଧ୍ୟ ପ୍ରସ୍ତୁତ କରାଯାଉଛି । ଏହି ଆପରେ ଏୟାର ଲାଇନ୍ସ, ଇମିଗ୍ରେସନ, ସିଆପରିଏଫ ଓ ଅନ୍ୟ ସୁରକ୍ଷା ଏଜେନ୍ସି ସମେତ କିଛି ଯାତ୍ରୀଙ୍କ ଡାଟା ରହିବ । ଯେଉଁମାନେ ପ୍ରାୟ ସମୟରେ ବିମାନରେ ଯାତ୍ରା କରୁଛନ୍ତି । ଆପରେ ଯାତ୍ରୀଙ୍କୁ ଟିକେଟ ଓ ଫଟୋ ପରିଚୟ ପତ୍ର ଅପଲୋଡ କରିବାକୁ ପଡିବ ।
ଡିଜିଟାଲ ଯାତ୍ରା ପାଇଁ ଆପରେ ଯାତ୍ରୀ ରେଜିଷ୍ଟ୍ରେସନ କଲେ ତାହା କିଛି ଦିନ ବୈଧତା ରହିବ । ଯାତ୍ରୀ ଯେତେବେଳେ ବିମାନ ଟିକେଟ୍ ଓ ପରିଚୟ ପତ୍ର ଅପଲୋଡ କରିବେ ସେହି ସମୟରେ ଏୟାରଲାଇନ୍ସ ସହ ଜଡିତ ଦସ୍ତାବିଜକୁ ଯାଞ୍ଚ କରି ବୋର୍ଡିଂ ପାସ ମଧ୍ୟ ଯାଞ୍ଚ କରି ଯାରି କରି ଦିଆଯିବ ।
ସେଥିପାଇଁ ମଧ୍ୟ ସଫ୍ଟୱେୟାର ପ୍ରସ୍ତୁତ କରାଯିବ। ଏୟାରପୋର୍ଟରେ ଚେହେରାକୁ ସ୍କାନ କରିବା ପାଇଁ ସ୍ବତନ୍ତ୍ର କ୍ୟାମେରା ଲଗାଯିବ ।
