ରାୟପୁର: ସିଆଇଏଫ ଯବାନଙ୍କ ଗୁଳିରେ 2 ଯବାନ ମୃତ । ଛତିଶଗଡ ନାରାୟଣପୁରର ଅମଦଇ ଘାଟି କ୍ୟାମ୍ପରେ ଜଣେ ସିଏଏଫ ଯବାନ ନିଜ ସାଥି ଯବାନଙ୍କ ଉପରକୁ ଆଖିବୁଜା ଗୁଳିଚାଳନା କରିଥିଲେ । ଯେଉଁଥିରେ ଦୁଇ ଜଣ ଯବାନଙ୍କର ମୃତ୍ୟୁ ଘଟିଥିବା ବେଳେ ଜଣେ ଯବାନ ଗୁରୁତର ଆହତ ହୋଇଥିବା ବସ୍ତର ଆଇଜି ସୁନ୍ଦରରାଜ ପି ସୂଚନା ଦେଇଛନ୍ତି ।
ସୂଚନା ଅନୁଯାୟୀ, ଏହି ଘଟଣା ସିଏଏଫ 09 ବି ବାଟାଲିୟାନରେ ଘଟିଛି । ଗତ ଶୁକ୍ରବାର ରାତିରେ ସିଏଏଫ ଯବାନ ମଧ୍ୟରେ ସାମାନ୍ୟ ବିବାଦ ହୋଇଥିଲା । ଏହି ବିବାଦ ଏତେମାତ୍ରାରେ ବଢିଯାଇଥିଲା ଯେ ଜଣେ ଯବାନ ନିଜ ସର୍ଭିସ ରାଇଫଲରେ ନିଜ ସାଥୀ ଯବାନଙ୍କ ଉପରକୁ ଆଖିବୁଜା ଗୁଳି ଚଳାଇଥିଲେ ।
ଗୁଳି ବାଜି ଘଟଣା ସ୍ଥଳରେ 2 ଯବାନଙ୍କର ଘଟଣା ସ୍ଥଳରେ ମୃତ୍ୟୁ ଘଟିଥିବା ବେଳେ 1 ଯବାନ ଗୁରୁତର ଆହତ ହୋଇଛନ୍ତି । ଗୁରୁତର ଅବସ୍ଥାରେ ଯବାନଙ୍କୁ ରାୟପୁର ସ୍ଥାନାନ୍ତର କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
