ନୂଆଦିଲ୍ଲୀ: ବିଭିନ୍ନ ରାଜ୍ୟର ବିଧାନସଭା ଆସନରେ ଖାଲିଥିବା ଆସନ ପାଇଁ ଆସନ୍ତା ମାସ 23 ତାରିଖରେ ନିର୍ବାଚନ ହେବ । ଏହି ରାଜ୍ୟ ଗୁଡିକ ମଧ୍ୟରେ ରହିଛି ଉତ୍ତର ପ୍ରଦେଶ, ତ୍ରିପୁରା, ଛତିଶଗଡ ଓ କେରଳ । ଏହି ସମସ୍ତ ରାଜ୍ୟରେ ଗୋଟିଏ ଗୋଟିଏ ଆସନରେ ଉପ- ନିର୍ବାଚନ ହେବ । ଉପ-ନିର୍ବାଚନ ହେବାକୁ ଥିବା ଆସନ ଗୁଡିକ ହେଉଛି ଛତିଶଗଡର ଦାନ୍ତେୱାଡା ଆସନ, କେରଳର ପାଲା ଆସନ, ତ୍ରିପୁରାର ବଧାରଘାଟ ଆସନ ଓ ଉତ୍ତରପ୍ରଦେଶର ହମିରପୁର ଆସନ । ସେପ୍ଟେମ୍ବର 23ରେ ଏହି ସବୁ ଆସନରେ ମତଦାନ ହେବ ।
ଏନେଇ ଆଜି ଭାରତୀୟ ନିର୍ବାଚନ ଆୟୋଗଙ୍କ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ଏହି 4ଟି ଆସନରେ ବିଧାୟକଙ୍କ ମୃତ୍ୟୁ ପରେ ଉପ- ନିର୍ବାଚନ ହେବାକୁ ଯାଉଛି ।
