ନୂଆଦିଲ୍ଲୀ: ଗୁଳିରେ ଖସିଲା ପାକ୍ ଡ୍ରୋନ୍ । ଜମ୍ମୁ କାଶ୍ମୀର ଅନ୍ତର୍ଜାତୀୟ ସୀମା ନିକଟରେ ଶନିବାର ଗୁଳିକରି ପାକିସ୍ତାନୀ ଡ୍ରୋନକୁ ଖସାଇଛି ବିଏସଏଫ୍। ଡ୍ରୋନଟି ଉପରେ କାଠୁଆ ଜିଲ୍ଲାର ହିରାନଗର ତାଲୁକା ଅନ୍ତର୍ଗତ ଡ୍ରୋନ୍ ଫରୱାର୍ଡ ପୋଷ୍ଟରେ ଗୁଳି ମାଡ ହୋଇଥିଲା।
ସୂଚନା ଅନୁସାରେ ,19 ବାଟାଲିୟନର ବିଏସଏଫ ପାଟ୍ରୋଲିଂ ପାର୍ଟି ହିରାନଗର ସେକ୍ଟରର ରାଥୁଆ ଅଞ୍ଚଳରେ ଏକ ପାକିସ୍ତାନୀ ଡ୍ରୋନ୍ ଉଡୁଥିବା ଦେଖିଥିଲେ। ଏହାପରେ ଫୋର୍ସ ଆଠରୁ ନଅ ରାଉଣ୍ଡ ଗୁଳି ଚଳାଇ ଡ୍ରୋନଟିକୁ ଖସାଇଥିଲେ।
ଏହି ଡ୍ରୋନ ମଧ୍ୟରୁ ବିଏସଏଫ କର୍ମଚାରୀଙ୍କ ଦ୍ୱାରା ବିଭିନ୍ନ ଅସ୍ତ୍ରଶସ୍ତ୍ର ଜବତ କରାଯାଇଛି । ସକାଳ ପ୍ରାୟ 5:10 ସମୟରେ କାଠୁଆର ପାନସାରରେ ସୀମା ସୁରକ୍ଷା ବାହିନୀ (ବିଏସ୍ଏଫ୍) ଦ୍ବାରା ପାକିସ୍ତାନୀ ଗୁପ୍ତଚର ଡ୍ରୋନ୍ ଉପରକୁ ଗୁଳି ଚଳାଇଥିଲା।
ବ୍ୟୁରୋ ରିପୋର୍ଟ, ଇଟିଭି ଭାରତ
