ରାୟପୁର: ଛତିଶଗଡ ଦନ୍ତେୱାଡାରେ ପୋଲିସ-ନକ୍ସଲ ଏନକାଉଣ୍ଟର । ଏଥିରେ 2 ନକ୍ସଲଙ୍କ ମୃତ୍ୟୁ ହୋଇଛି । ଉଭୟଙ୍କ ମୃତଦେହକୁ ଉଦ୍ଧାର କରିଛି ପୋଲିସ । ଘଟଣାସ୍ଥଳରୁ ରାଇଫଲ, 12ଟି ଅସ୍ତ୍ରଶସ୍ତ୍ର ଏବଂ ଅନ୍ୟ ମାଓସାମଗ୍ରୀ ଜବତ ହୋଇଛି ।
ଆଜି ଭୋଟ 5ଟାରେ ଦନ୍ତେୱାଡାର ଗଣ୍ଡେରାସ ଜଙ୍ଗଲରେ ହୋଇଥିଲା ଏହି ଏନକାଉଣ୍ଟର । DRG ଏବଂ STF ଟିମ ମିଳିତ ଭାବରେ ଅପରେସନ ଆରମ୍ଭ କରିଥିଲେ । କିଛି ସମୟ ଧରି ଉଭୟ ପକ୍ଷ ମଧ୍ୟରେ ଗୁଳିବିନିମୟ ହୋଇଥିଲା । 2 ନକ୍ସଲଙ୍କୁ ଏନକାଉଣ୍ଟର କରିବାରେ ସଫଳ ହୋଇଛନ୍ତି ସୁରକ୍ଷାକର୍ମୀ ।
ଦନ୍ତେୱାଡା ଏସପି ଅଭିଷେକ ପଲ୍ଲବ କହିଛନ୍ତି, ଏହି ଏନକାଉଣ୍ଟରରେ DRGର ମହିଳା କମାଣ୍ଡ ‘ଦନ୍ତେଶ୍ବରୀ ଲଡକେ’ ମଧ୍ୟ ସାମିଲ ହୋଇଥିଲେ ।
