ଦିଲ୍ଲୀ: ଶେଷ ହୋଇଛି ଦିଲ୍ଲୀ ବିଧାନସଭା ନିର୍ବାଚନ ପାଇଁ ଭୋଟ ଗ୍ରହଣ । 11ରେ ଆସିବ ନିର୍ବାଚନୀ ଫଳାଫଳ । ଏବେ ଆସିଛି ବୁଥ ବାହୁଡା ମତ । ବୁଥ ବାହୁଡା ମତ ଦେଖି କ୍ଷମତା ଦଖଲ ସ୍ବପ୍ନ ଦେଖୁଥିବା ବିଜେପି ବିଚଳିତ ହୋଇପଡିଛି ।
ଯେଉଁ ଦିଲ୍ଲୀ ନିର୍ବାଚନରୁ ଦଳ ସଞ୍ଜୀବନି ସଂଗ୍ରହ ପାଇଁ ଆଶା କରିଥିଲା ଏବେ ସେହି ଦିଲ୍ଲୀରେ ଦଳକୁ ଧକ୍କା ଲାଗିପାରେ । ବୁଥ ବାହୁଡା ମତରେ ବିଚଳିତ ହୋଇପଡିଛନ୍ତି ଗୈରିକ ଦଳର ବିଗ ବ୍ରିଗେଡିୟର । ଏଥିପାଇଁ ଦଳ ଏବେ ଆରମ୍ଭ କରିଛି ମାନସମନ୍ଥନ ।
ରାଷ୍ଟ୍ରୀୟ ସଭାପତି ଜେପି ନଡ୍ଡା ଦଳୀୟ ମୁଖ୍ୟାଳୟରେ ଦିଲ୍ଲୀ ନିର୍ବାଚନ ଦାୟିତ୍ବରେ ଥିବା ନେତା ଓ ଦିଲ୍ଲୀ ସାଂସଦଙ୍କ ବୈଠକ ଡାକିଛନ୍ତି । ତେବେ ବୈଠକ ଶେଷ ହେବାପରେ ଜଣାପଡିବ କଣ ନିଷ୍ପତ୍ତି ହେଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
