ଲକ୍ଷ୍ନୌ: କୋରୋନା ପାଇଁ ସରକାର ଦେଶବ୍ୟାପୀ ଲକଡାଉନ କଡ଼ାକଡ଼ି କରିଥିଲେ । ହେଲେ ଗ୍ରୀନ ଜୋନ ଅଞ୍ଚଳରେ କଟକଣାକୁ କିଛି ମାତ୍ରାରେ କୋହଳ କରିଥିଲେ ସରକାର । ଫଳରେ ସେହି ଅଞ୍ଚଳରେ ନିର୍ଦ୍ଧିଷ୍ଟ କିଛି ଦେକୋନ ଖୋଲିବାକୁ ସରକାର ଅନୁମତି ଦେଇଥିଲେ । କିନ୍ତୁ ମଦ ଦୋକାନା ଖୋଲିବାକୁ ସରକାରଙ୍କ ଅନୁମତି ମିଳିବା ପରେ ଦୋକାନ ଆଗରେ ଲୋକଙ୍କ ଭିଡ଼ ଜମା ହେଉଥିବାର ଦେଖିବାକୁ ମିଳିଛି । ଏହି ସମୟରେ ଲୋକମାନେ ଲକଡାଉନ ଓ ସାମାଜିକ ଦୂରତା ନିୟମକୁ ଅଣଦେଖା କରୁଛନ୍ତି । ଯଦ୍ବାରା ବିଜେପି ସାଂସଦ ସତ୍ୟଦେବ ପାଚୌରୀ ଏବଂ ସାକ୍ଷୀ ମହାରାଜଙ୍କ ପରେ ବର୍ତ୍ତମାନ ଜଣେ ବିଜେପି ବିଧାୟକ ଯିଏ ମଦ ବିକ୍ରି ଉପରେ ପ୍ରତିବନ୍ଧକ ଲଗାଇଛନ୍ତି ।
ବାଲିଆରୁ ସୁରେନ୍ଦ୍ର ସିଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ରାଜ୍ୟରେ ମଦ ବିକ୍ରିକୁ ଅନୁମତି ଦେବା ନିଷ୍ପତ୍ତିକୁ ସମୀକ୍ଷା କରିବାକୁ ଅନୁରୋଧ କରିଛନ୍ତି। ବିହାର ସରକାରଙ୍କୁ ପ୍ରଶଂସା କରି ସିଂ କହିଛନ୍ତି, ‘ରାଜସ୍ୱ ସଂଗ୍ରହ ପାଇଁ ଲୋକଙ୍କ ଜୀବନ ସହ ଆପୋଷ ବୁଝାମଣା କରିବା ଠିକ୍ ନୁହେଁ। ବିହାର ସରକାରଙ୍କ ପରି ଉତ୍ତରପ୍ରଦେଶ ମଧ୍ୟ ନିଷେଧାଦେଶ ଘୋଷଣା କରିବା ଉଚିତ।’
ବାଲିଆ ବିଧାୟକ ଆଉ ମଧ୍ୟ କହିଛନ୍ତି ମଦ ବିକ୍ରୟ ସମୟରେ ସାମାଜିକ ଦୂରତା ଲୋକମାନଙ୍କ ପକ୍ଷେ ଅସମ୍ଭବ ଏବଂ କୋରୋନା ସଙ୍କଟକୁ ଦୂର କରିବା ପାଇଁ ସାରାଦେଶ ଲକଡାଉନ ଥିବା ସମୟରେ ମଦ ଦୋକାନ ଖୋଲିବା ଉଚିତ ନୁହେଁ। ଏହାପୂର୍ବରୁ ବିଜେପି ସାଂସଦ ସତ୍ୟଦେବ ପାଚୌରୀ ଏବଂ ସାକ୍ଷୀ ମହାରାଜ ତାଲା ବନ୍ଦ ସମୟରେ ମଦ ବିକ୍ରିକୁ ବିରୋଧ କରିଥିଲେ ଏବଂ ମହାମାରୀକୁ ରୋକିବା ପାଇଁ କରାଯାଉଥିବା ପ୍ରୟାସ ଉପରେ ଏହାର ପ୍ରତିକୂଳ ପ୍ରଭାବ ପଡ଼ିବ ବୋଲି କହିଥିଲେ।
@ IANS
