ନୂଆଦିଲ୍ଲୀ: ଏକଜିଟ୍ ପୋଲ ରିପୋର୍ଟ ଆସୁଆସୁ ଦେଶର ରାଜନୈତିକ ମାହଲରେ ହଟଚମଟ । ସେପଟେ ବିଜେପି ମେ 21 ତାରିଖରେ ଏକ ଗୁରୁତ୍ବପୂର୍ଣ୍ଣ ବୈଠକ କରିବାକୁ ଯାଉଛି । ଏହି ବୈଠକରେ ଦଳୀୟ ବରିଷ୍ଠ ନେତାଙ୍କୁ ଦିଲ୍ଲୀ ଡକାଯାଇଛି । କୁହାଯାଉଛି ଯେ ମେ 23 ରେ ଆସିବାକୁ ଥିବା ଫଳାଫଳକୁ ନଜରରେ ରଖି ରଣନୀତି ପ୍ରସ୍ତୁତ କରିବ ଦଳ । ଆଉ ଯଦି ସରକାର ଗଠନ ହୁଏ ତେବେ କେଉଁ ଭଳି ପଦକ୍ଷେପ ନିଆଯିବ ସେ ସମ୍ପର୍କରେ ଆଲୋଚନା ହେବ ।
ସେପଟେ ଆୟୋଜିତ ବୈଠକର ଅଧ୍ୟକ୍ଷତା କିଏ କରିବ ସେ ସମ୍ପର୍କରେ କୌଣସି ସୂଚନା ମିଳନାହିଁ । ତେବେ ଏକଜିଟ୍ ପୋଲ ଦ୍ବାରା ଅନୁମାନ କରାଯାଉଛି ଯେ ଚଳିତଥର ବିଜେପିକୁ 336 ଆସନ ମିଳିବ । ସେହିପରି କଂଗ୍ରେସ 82 ଆସନରେ ହିଁ ସୀମିତ ରହିବ । ଅନ୍ୟାନ୍ୟକୁ 124 ଆସନ ମିଳିବ ବୋଲି ଆଶା କରାଯାଉଛି ।
ଏକଜିଟ୍ ପୋଲରେ ଦେଖାଯାଉଥିବା ବିଜେପିର ସଫଳତାକୁ ନେଇ ସବୁଆଡେ ଚର୍ଚ୍ଚା । ତେବେ ମେ 23 ତାରିଖରେ ଫଳାଫଳ ଆସିଲେ ହିଁ ଜଣାପଡିବ କିଏ କେତେ ଆସନରେ ବିଜୟୀ ହେଉଛି ।
