ପାଟନା: ବିହାରରେ ମୁଖ୍ୟମନ୍ତ୍ରୀ ଭାବେ ଏନଡିଏ ନେତା ନୀତିଶ କୁମାର ଆଜି ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ । ତେବେ ଜେଡିୟୁକୁ ମୁଖ୍ୟମନ୍ତ୍ରୀ ପଦ ମିଳିଥିବାରୁ ବିଜେପି ବାଚସ୍ପତି ପଦ ନିଜ ପାଖରେ ରଖିବ ବୋଲି କୁହାଯାଉଛି ।
ସୂତ୍ର ଅନୁସାରେ, ବିଜେପି ହିଁ ବାଚସ୍ପତି ପଦ ରଖିପାରେ । ଏହାସହ ଦଳରୁ ଦୁଇ ଜଣଙ୍କୁ ଉପମୁଖ୍ୟମନ୍ତ୍ରୀ ଭାବେ ମଧ୍ୟ ଦାୟିତ୍ବ ଦେଇପାରେ । ଆଜି ରାଜଭବନରେ ନୀତିଶ କୁମାର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବାକୁ ଥିବାବେଳେ ଉପମୁଖ୍ୟମନ୍ତ୍ରୀ ଭାବେ ବିଜେପିର ତାରକିଶୋର ପ୍ରସାଦ ଓ ରେଣୁ ଦେବୀ ମଧ୍ୟ ଶପଥ ନେଇପାରନ୍ତି ବୋଲି ଚର୍ଚ୍ଚା ଚାଲିଛି ।
ରବିବାର ଏନଡିଏ ବୈଠକରେ ନୀତିଶ କୁମାରଙ୍କୁ ଏନଡିଏର ନେତା ଭାବେ ନିର୍ବାଚିତ କରାଯାଇଥିଲା । ପରେ ସେ ରାଜ୍ୟପାଳଙ୍କୁ ଭେଟି ସରକାର ଗଢିବାକୁ ଦାବି ଜଣାଇଥିଲେ ।
ସୂଚନାଥାଉକି, ବିହାର ବିଧାନସଭାର 243 ଆସନ ମଧ୍ୟରୁ ଏନଡିଏକୁ 125 ଆସନ ମିଳିଛି । ଯେଉଁଥିରେ ବିଜେପି 74 ଟି ବିଧାନସଭା ଆସନରୁ ବିଜୟୀ ହୋଇଥିବାବେଳେ ଜେଡିୟୁ 43ଟି ଆସନରୁ ବିଜୟୀ ହୋଇଛି । ସେହିଭଳି ଏନଡିଏର ଅନ୍ୟ ଦୁଇ ସହଯୋଗୀ ବାକି ଥିବା 8ଟି ଆସନରୁ ବିଜୟୀ ହୋଇଛନ୍ତି ।
@ANI
