ପାଟନା: ବିହାର ବିଧାନସଭା ନିର୍ବାଚନ ପାଇଁ ଆରମ୍ଭ ହୋଇଯାଇଛି ନାମାଙ୍କନ ଦାଖଲ ପ୍ରକ୍ରିୟା । ପ୍ରାର୍ଥିପତ୍ର ଦାଖଲ କରି ପ୍ରଚାରରେ ଲାଗିପଡିଛନ୍ତି ପ୍ରାର୍ଥୀ । ନିଜ ନିଜ କର୍ମୀଙ୍କୁ ଧରି ଜନତାଙ୍କ ନିକଟତର ହେଉଛନ୍ତି ନେତା ।
ଏହାରି ଭିତରେ ସମସ୍ତ ଦଳର ଶୀର୍ଷ ନେତୃବୃନ୍ଦ ପ୍ରଚାର କରିବାକୁ ମଇଦାନକୁ ଓହ୍ଲାଇବାକୁ ପ୍ରସ୍ତୁତ ହେଉଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଛପରାରେ ଏନଡିଏ ପ୍ରାର୍ଥୀଙ୍କ ପାଇଁ ପ୍ରଚାର କରିବାକୁ ନଭେମ୍ବର 1ତାରିଖରେ ରାଲି କରିବେ ବୋଲି ଜଣାପଡିଛି । ଏନେଇ ଛପରା ସାଂସଦ ରାଜୀବ ପ୍ରତାପ ରୁଡ୍ଡୀ ସୂଚନା ଦେଇଛନ୍ତି ।
ବୁଧବାର ଛପରାରେ ଏନଡିଏ ପ୍ରାର୍ଥୀ ପ୍ରାର୍ଥିପତ୍ର ଦାଖଲ କରିବା ପରେ ଏକ ସାମ୍ବାଦିକ ସମ୍ମିଳନୀରେ ପ୍ରଧାନମନ୍ତ୍ରୀଙ୍କ ଗସ୍ତ ନେଇ ସେ କହିଛନ୍ତି । ଏହାସହ ବିହାରରେ ଏନଡିଏ ସରକାର ଗଠନ କରୁଥିବା ନେଇ ମଧ୍ୟ ସେ ଆଶାବ୍ୟକ୍ତ କରିଛନ୍ତି ।
ସେହିପରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିକାଶ ପାଇଁ ସମର୍ପିତ ଅଛନ୍ତି । ତାଙ୍କର ଧ୍ୟାନ ବିହାର ଉପରେ ରହିଛି ବୋଲି କହିଛନ୍ତି ରାଜୀବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
