ଗୌହାଟି: ଭାରତୀୟ ମୁଦ୍ରା ଛାଡି ଭୁଟାନର ଟଙ୍କା ଆପଣାଇଛନ୍ତି ଆସାମର ପାଖାପାଖି 42ଟି ଗାଁ। କେବଳ ଟଙ୍କା ନୁହେଁ, ଭୁଟାର ମୋବାଇଲ ନେଟୱାର୍କ ମଧ୍ୟ ବ୍ୟବହାର କରୁଛନ୍ତି ଏମାନେ । ଇଣ୍ଡୋ-ଭୁଟାନ ସୀମାରେ ଥିବା କୋକରଝର ଜିଲ୍ଲାର ଚାର୍ଲାପରା ଅଞ୍ଚଳରେ ଥିବା ଗାଁ ଗୁଡିକ ଭୁଟାନିଜ ଟଙ୍କା ବ୍ୟବହାର କରୁଛନ୍ତି ।
ଡିଜିଟାଲ ଯୁଗରେ ଏମାନେ ରାସ୍ତା ଓ ଟୋପାଏ ଭଲ ପାଣି ପାଇଁ କରୁଛନ୍ତି ସଂଘର୍ଷ । ଆଉ ଭଲ ନେଟୱାର୍କ ପାଇଁ ଭାରତ ବଦଳେ ନିର୍ଭର କରୁଛନ୍ତି ଭୁଟାନ ଉପରେ । ମୋଦି ସରକାରଙ୍କ ଡିଜିଟାଲାଇଜେସନ ସମୟରେ ଏମାନଙ୍କ ଅଞ୍ଚଳରେ ଦେଖାଦେଇନି କିଛି ପରିବର୍ତ୍ତନ ।
ମୋଦିଙ୍କ ବିମୁଦ୍ରୀକରଣ ବେଳେ ମଧ୍ୟ ଏଠିକାର ବାସିନ୍ଦାଙ୍କ ଉପରେ କୌଣସି ପ୍ରଭାବ ପଡିନଥିଲା। ଏମାନେ ସାଧାରଣ ଭାବେ ଜୀବନଯାପନ କରିବା ସହ ଟଙ୍କା ନେଣଦେଣ ମଧ୍ୟ ସହଜରେ କରିପାରୁଥିଲେ ।
