ପାଟନା: ବିହାର ବିଧାନସଭା ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଜାରି କରିଛି ଭାରତୀୟ ଜନତା ପାର୍ଟି । ଏହି ତାଲିକାରେ 27 ଜଣ ପ୍ରାର୍ଥୀଙ୍କ ନାଁ ଘୋଷଣା କରାଯାଇଛି । ତେବେ ନିକଟରେ ପଦ୍ମ ଧରିଥିବା ଷ୍ଟାର ସୁଟର ଶ୍ରେୟସୀ ସିଂଙ୍କୁ ଜମୁଇରୁ ଟିକଟ ଦେଇଛି ଦଳ ।
ବିଜେପିର ପ୍ରଥମ ପ୍ରାର୍ଥୀ ତାଲିକାରେ କହଲଗାଁରୁ ପବନ ଯାଦବ, ବାଙ୍କାରୁ ରାମ ନାରାୟଣ ମଣ୍ଡଳ, ମୁଙ୍ଗେରରୁ ପବନ କୁମାର ଯାଦବ, ଲକ୍ଷ୍ମୀସରାୟରୁ ବିଜୟ କୁମାର ସିହ୍ନା ଶାହପୁରରୁ ମୁନ୍ନି ଦେବୀ, ଭଭୁଆରୁ ରିଙ୍କି ରାଣୀ ପାଣ୍ଡେ, ବରଶାଳୀଗଞ୍ଜରୁ ଅରୁଣା ଦେବୀ ଏବଂ କୋଟରିୟାରୁ ନିକ୍କି ହେମ୍ପ୍ରମଙ୍କ ନାଁ ଘୋଷଣା କରାଯାଇଛି । ତେବେ ପ୍ରଥମ ପର୍ଯ୍ୟାୟ ଲିଷ୍ଟରେ 5 ଜଣ ମହିଳାଙ୍କ ନାଁ ସାମିଲ ଅଛି ।
କିଛି ସମୟ ପୂର୍ବରୁ ଦଳ 121 ଆସନର ଲିଷ୍ଟ ଜାରି କରିଥିଲା । 243 ଆସନ ବିଶିଷ୍ଟ ବିହାର ବିଧାନସଭା ନିର୍ବାଚନରେ ବିଜେପିକୁ ମିଳିଛି 121ଟି ଆସନ । ବିଜେପି ନିଜ ପକ୍ଷରୁ ମୁକେଶ ସାହାଣୀଙ୍କ ବିକାଶଶୀଳ ଇନସାନ ପାର୍ଟିକୁ 9ଟି ଆସନ ଦେବ ।
