ମୁମ୍ବାଇ: ବର୍ତ୍ତମାନ ସମୟରେ ଅନଲାଇନ ନେଣଦେଣ ପ୍ରକ୍ରିୟାରେ ବ୍ୟାପକ ବୃଦ୍ଧି ଘଟିଛି । ମହାମାରୀ କୋରୋନା କାରଣରୁ ନନେକ ଲୋକ ବିଭିନ୍ନ ଅତ୍ୟାବଶ୍ୟକୀୟ ଜିନିଷ କଣିବା ପାଇଁ ଇ-କମର୍ସ ପ୍ଲାଟଫର୍ମର ବ୍ୟବହାର କରୁଛନ୍ତି । ତେବେ ଏହି ସମୟରେ ଜୋକର ନାଁରେ ଏକ ମାଲଓୟର ମୋବାଇଲ ଓ କମ୍ପ୍ୟୁଟରକୁ ଆସୁଥିବା ମହାରାଷ୍ଟ୍ର ସାଇବର ବିଭାଗର ଯାଞ୍ଚ ସମୟରେ ଦୃଷ୍ଟିକୁ ଆସିଛି ।
ଜୋକର ନାଁରେ ଏହି ମାଲଓୟର ମୋବାଇଲ କିମ୍ବା କମ୍ପୁଟରରେ ବ୍ୟାଙ୍କିଂ କାରବାରବାର ସମୟରେ ୟୁଜରଙ୍କ ଠାରୁ ସେମାନଙ୍କ ଡାଟା ଚୋରି କରୁଥିବା ସୂଚନା ଦେଇଛନ୍ତି ମହାରାଷ୍ଟ୍ର ସାଇବର ବିଭାଗର ମୁଖ୍ୟ ଯଶସ୍ବୀ ଯାଦବ । ଏହା ଏକ ସାଇବର ଅପରାଧ ବୋଲି ସେ କହିଛନ୍ତି ।
'ଜୋକର' ଠୁ ରୁହନ୍ତୁ ସାବଧାନ, ନଚେତ ଆପଣଙ୍କର ବ୍ୟାଙ୍କ ଆକାଉଣ୍ଟ ହୋଇଯିବ ହ୍ୟାକ୍!
ଏହି ମାଲଓୟର ଆପଣଙ୍କ ଅଜାଣତରେ ମୋବାଇଲ କିମ୍ବା କମ୍ପୁଟରକୁ ପ୍ରବେଶ କରି ଅନଲାଇନ ଟ୍ରାନଜାକ୍ସନର ସମସ୍ତ ତଥ୍ୟ ଚୋରି କରିନିଏ । ଆପଣଙ୍କ ଫୋନକୁ ଆସୁଥିବା ଓଟିପି ଆଖିପିଛୁଳାକେ ବ୍ୟାଙ୍କ୍ ଆକାଉଣ୍ଟରୁ ଟଙ୍କା ଗାଏବ କରିନେଇପାରେ ବୋଲି ଯଶସ୍ବୀ ଯାଦବ କହିଛନ୍ତି ।
