ବେଙ୍ଗାଲୁରୁ: ସହରରେ ଅଣାୟତ୍ତ କୋରୋନା ମହାମାରୀ । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ମୃତ୍ୟୁ ସଂଖ୍ୟା ବି ଥମିବାର ନାଁ ଧରୁନି । ଆକ୍ରାନ୍ତଙ୍କ ସଂଖ୍ୟାରେ ଲଗାମ ଲଗାଇବାକୁ ସହରରେ କଣ୍ଟେନମେଣ୍ଟ ଜୋନ ସଂଖ୍ୟା ବୃଦ୍ଧି ପାଉଛି । ବୁଧବାର ସୁଦ୍ଧା ବେଙ୍ଗାଲୁରୁରେ 3,181କୁ ବୃଦ୍ଧି ପାଇଛି କଣ୍ଟେନମେଣ୍ଟ ଜୋନ ।
ସ୍ଥିତି ଉପରେ ନଜର ରଖିଥିବା ଜଣେ ସ୍ବାସ୍ଥ୍ୟ ଅଧିକାରୀଙ୍କ କହିବା କଥା, ଅଧିକାଂଶ ସକ୍ରିୟ କଣ୍ଟେନମେଣ୍ଟ ଜୋନ ଦକ୍ଷିଣ ଓ ପଶ୍ଚିମ ବେଙ୍ଗାଲୁରୁରେ କରାଯାଇଛି । ଦ୍ରୁତ ସଂକ୍ରମଣରେ ରୋକ ଲଗାଇବାକୁ ଆଠଦିନ ମଧ୍ୟରେ କଣ୍ଟେନମେଣ୍ଟ ଜୋନକୁ ଦ୍ବିଗୁଣିତ କରାଯାଇଛି । 3,276 କଣ୍ଟେନମେଣ୍ଟ ଜୋନ୍ ମଧ୍ୟରୁ ମେ ମାସ ଶେଷ ସୁଦ୍ଧା 358 ସକ୍ରିୟ ମାମଲା ରହିଛି ।
ତେବେ ଜୁନ୍ 30 ସୁଦ୍ଧା 4,555 ଏବଂ ବୁଧବାର ସୁଦ୍ଧା 12,509 କୁ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇଛି ।
ତେବେ ରାଜ୍ୟ ସରକାର ଏହି ପରିସ୍ଥିତି ଉପରେ କଡ୍ଡା ନଜର ରଖିଛନ୍ତି । ଗତ 10 ଦିନ ମଧ୍ୟରେ ସହରରେ 9,189 ସକ୍ରିୟ ମାମଲା ସାମ୍ନାକୁ ଆସିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
