ନୂଆଦିଲ୍ଲୀ: ଚଳିତ ସପ୍ତାହରେ ଲଗାତର ତିନି ଦିନ ବନ୍ଦ ରହିବ ବ୍ୟାଙ୍କ । ତେଣୁ ଯଦି ଆପଣଙ୍କର କୌଣସି ଜରୁରୀ କାର୍ଯ୍ୟ ରହିଛି, ତେବେ ଗୁରୁବାର ସୁଦ୍ଧା ଏହାକୁ ସାରିଦିଅନ୍ତୁ ।
ପ୍ରତ୍ୟେକ ମାସରେ ଦ୍ବିତୀୟ ଓ ଚତୁର୍ଥ ଶନିବାର ବ୍ୟାଙ୍କ ବନ୍ଦ ରହିଥାଏ । ତେବେ ଏଥର 26 ଡିସେମ୍ବର ହେଉଛି ଚତୁର୍ଥ ଶନିବାର । ଏହାପରେ ରବିବାର ସାପ୍ତାହିକ ଛୁଟି । ପୁଣି ସେପଟେ 25 ଡିସେମ୍ବର ଖ୍ରୀଷ୍ଟମାସ ପଡୁଥିବାରୁ ଶୁକ୍ରବାର ମଧ୍ୟ ବ୍ୟାଙ୍କ ଛୁଟି । ଫଳରେ ଲଗାତାର ତିନି ଦିନ ଛୁଟି ରହିବ ବ୍ୟାଙ୍କ । ତେଣୁ ଯଦି କୌଣସି ଜରୁରୀ କାର୍ଯ୍ୟ ରହିଛି, ତେବେ ଏହାକୁ ଗୁରୁବାର ସୁଦ୍ଧା ସାରି ଦିଅନ୍ତୁ । ତେବେ ଆଗାମୀ ସପ୍ତାହରେ ନୂଆବର୍ଷ ଆରମ୍ଭ ହେବା ସହ ନୂଆ ନୂଆ ନିୟମ ମଧ୍ୟ ଲାଗୁ ହେବ ।
ଡିସେମ୍ବର 31 ମଧ୍ୟ ଆୟକର ରିଟର୍ଣ୍ଣ ଦାଖଲ କରିବାର ଶେଷ ତାରିଖ । ତେଣୁ ଯଦି ଆପଣ ବ୍ୟାଙ୍କରୁ ଏକ ଡକ୍ୟୁମେଣ୍ଟ୍ ଆବଶ୍ୟକ କରନ୍ତି କିମ୍ବା ଅନ୍ୟ କୌଣସି ଜରୁରୀ କାର୍ଯ୍ୟ ରହିଥାଏ ତେବେ ଏହାକୁ ତୁରନ୍ତ ସାରିଦେବା ସଠିକ୍ ହେବ । କେବଳ ଆୟକର ରିଟର୍ଣ୍ଣ ପାଇଁ ଆପଣଙ୍କୁ ବ୍ୟାଙ୍କ ଷ୍ଟେଟମେଣ୍ଟ, ସୁଧ ଆୟର ପ୍ରମାଣପତ୍ର, ଆପଣଙ୍କ ବ୍ୟାଙ୍କରୁ ଫର୍ମ ଭଳି ଅନେକ ପ୍ରକାରର ଡକ୍ୟୁମେଣ୍ଟ ନେବାକୁ ପଡିପାରେ ।
