ନୂଆଦିଲ୍ଲୀ: ଭାରତରେ ପହଞ୍ଚିଲେ ବାଂଲାଦେଶ ପ୍ରଧାନମନ୍ତ୍ରୀ ଶେଖ୍ ହସିନା । 4 ଦିନିଆ ଭାରତ ଗସ୍ତରେ ଅଛନ୍ତି ବାଲାଂଦେଶ ପ୍ରଧାନମନ୍ତ୍ରୀ । ଗୁରୁବାର ସେ ନୂଆଦିଲ୍ଲୀରେ ପହଞ୍ଚିଛନ୍ତି । ତେବେ ତାଙ୍କର ଏହି ଗସ୍ତ ଦୁଇ ଦେଶ ମଧ୍ୟରେ ଥିବା ସମ୍ପର୍କକୁ ଆହୁରି ସୁଦୃଢ କରିବ ବୋଲି କୁହାଯାଉଛି ।
ଏହି ଗସ୍ତ ସମୟରେ ସେ ପ୍ରଥମେ ନୂଆଦିଲ୍ଲୀରେ ହେଉଥିବା ଇଣ୍ଡିଆନ ଇକୋନୋମିକ ସମିଟ୍ରେ ମୁଖ୍ୟ ଅତିଥି ଭାବେ ଯୋଗ ଦେବେ । 4 ଦିନିଆ ଗସ୍ତରେ ତାଙ୍କର ରାଷ୍ଟ୍ରପତି ରାମନାଥ କୋବିନ୍ଦଙ୍କ ସହ ମଧ୍ୟ ସାକ୍ଷାତ ହେବାର କାର୍ଯ୍ୟକ୍ରମ ରହିଛି । ଅକ୍ଟୋବର 5ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିବା ସହ ଦ୍ବିପାକ୍ଷିକ ଆଲୋଚନା କରିବେ ଖେଖ୍ ହସିନା ।
ଉଭୟ ଭାରତ ଓ ବାଂଲାଦେଶରେ ସାଧାରଣ ନିର୍ବାଚନ ପରେ ଏହା ଶେଖ୍ ହସିନାଙ୍କର ପ୍ରଥମ ଭାରତ ଗସ୍ତ । ଯେଉଁଥିରେ ଅନେକ ଦ୍ବିପାକ୍ଷିକ ଚୁକ୍ତି ହୋଇପାରେ ବୋଲି ଚର୍ଚ୍ଚା ଚାଲିଛି ।
