ଢାକା: ବାଂଲାଦେଶର ରାଜଧାନୀ ଢାକାର ଏକ କୋଠାଘରେ ଲାଗିଥିବା ଭୟାବହ ଅଗ୍ନିକାଣ୍ଡରେ ପାଖାପାଖି 69 ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଏହି ଅଘଟଣରେ ମୃତକଙ୍କ ସଂଖ୍ୟା ବଢିଚାଲିଥିବା ବେଳେ ଗୁରୁତରଙ୍କ ସଂଖ୍ୟା ପ୍ରାୟ 50 ଛୁଇଁଛି ।
ମିଳିଥିବା ସୂଚନା ମୁତାବକ ଢାକାର ଚୌକିବଜାର ଅଞ୍ଚଳରେ ଥିବା ଥିବା ଏକ କୋଠାଘରେ ଏହି ଅଗ୍ନିକାଣ୍ଡ ଘଟିଥିଲା । ଅଗ୍ନିକାଣ୍ଡ ସମ୍ପର୍କରେ ସୂଚନା ପାଇବା ପରେ ଅଗ୍ନିଶମ ବିଭାଗର ଦମକଳ ଗାଡ଼ି ନିଆଁ ଲିଭା କାର୍ଯ୍ୟରେ ନିୟୋଜିତ ଅଛନ୍ତି । ତେବେ ଅଗ୍ନିକାଣ୍ଡ ଘଟିଥିବା ଘରକୁ ରସାୟନିକ ସାମଗ୍ରୀର ଏକ ଭଣ୍ଡାର ଗୃହ ଭାବେ ବ୍ୟବହାର କରାଯାଉଥିଲା ।
ସେପଟେ ମୃତ୍ୟୁ ସଂଖ୍ୟା ବଢିପାରେ ବୋଲି ଅଗ୍ନିଶମ ବିଭାଗର ମହାନିର୍ଦ୍ଦେଶକ କହିଛନ୍ତି ।
